കൊല്ലം: സമാധാനപരമായി പ്രബോധനം നടത്തിയ പറവൂരിലെ ഗ്ലോബല്‍ വിസ്ഢം ഇസ്്‌ലാമിക് മിഷന്‍ പ്രവര്‍ത്തകരെ തിരഞ്ഞുപിടിച്ച് മര്‍ദിച്ച ആലുവ റൂറല്‍ എസ്.പി എ.വി ജോര്‍ജ്ജിനെ സര്‍വിസില്‍ നിന്നും പുറത്താക്കണമെന്നും അയാള്‍ക്കെതിരേ വകുപ്പുതല അന്വേഷണം നടത്തുവാന്‍ മുഖ്യമന്ത്രി ഉത്തരവിടുകയും ചെയ്യണമെന്ന് സെന്റര്‍ ഫോര്‍ ഇസ്്‌ലാമിക് ഗൈഡന്‍സ് ആന്‍ഡ് സര്‍വിസസ് സംസ്ഥാന കമ്മിറ്റിയോഗം ആവശ്യപ്പെട്ടു.
ആര്‍.എസ്.എസ് പ്രവര്‍ത്തകരെ ന്യായീകരിക്കുകയും വിസ്ഢം പ്രവര്‍ത്തകര്‍ക്കെതിരേ രാജ്യദ്രോഹക്കുറ്റം ചുമത്തി ജയിലില്‍ അടയ്ക്കുകയും ചെയ്യുന്നതിന് ആലുവ റൂറല്‍ എസ്.പി എ.വി ജോര്‍ജ്ജിനേതൃത്വം നല്‍കുകയായിരുന്നുവെന്നും കമ്മിറ്റി ചൂണ്ടിക്കാട്ടി.
യോഗത്തില്‍ പ്രസിഡന്റ് എം ഷാനവാസ് കണ്ടനാട് അധ്യക്ഷനായി. എം ഇബ്രാഹീംകുട്ടി ഉദ്ഘാടനം ചെയ്തു. ജനറല്‍ സെക്രട്ടറി എ നൗഷാദ്, ഒറ്റത്തെങ്ങില്‍ ലത്തീഫ്, വൈ എ സലീം ഹമദാനി, ജലീല്‍ ഇഹ്‌സാന്‍, ആദിനാട് നാസര്‍,കെ സൈഫുദ്ദീന്‍, ചേന്നല്ലൂര്‍ ടി മെഹര്‍ഖാന്‍, മുഹമ്മദ് ഹിദായത്തുള്ള, നിസാര്‍ കാത്തുങ്ങല്‍, കെഎസ്പുരം അബ്ദുല്‍ സത്താര്‍ സംസാരിച്ചു.