പാലക്കാട്: മുതിര്‍ന്ന മാധ്യമ പ്രവര്‍ത്തക ഗൗരി ലങ്കേഷിന്റെ നിഷ്ഠൂരമായ കൊലപാതകത്തില്‍ പത്രപ്രവര്‍ത്തക യൂനിയന്‍ ജില്ലാ കമ്മിറ്റിയുടെ ആഭിമുഖ്യത്തില്‍ നഗരത്തില്‍ പ്രതിഷേധ പ്രകടനവും കൂട്ടായ്മയും നടത്തി. പ്രസ്‌ക്ലബ്ബില്‍ നിന്നാരംഭിച്ച പ്രകടനം സുല്‍ത്താന്‍പേട്ട ജങ്ഷന്‍ ചുറ്റി കോട്ടമൈതാനിയില്‍ സമാപിച്ചു.

തുടര്‍ന്ന് അഞ്ചുവിളക്കിന് സമീപം നടന്ന പ്രതിഷേധ കൂട്ടായ്മ എം.ബി രാജേഷ് എം.പി ഉദ്ഘാടനം ചെയ്തു. ടി.കെ നാരായണദാസ് അധ്യക്ഷനായി. ഡി.സി.സി പ്രസിഡന്റ് വി.കെ ശ്രീകണ്ഠന്‍, സി.പി.ഐ ജില്ലാ സെക്രട്ടറി സുരേഷ് രാജ്, യൂത്ത് ലീഗ് സംസ്ഥാന ട്രഷറര്‍ എം.എ സമദ്, കഥാകൃത്ത് മുണ്ടൂര്‍ സേതുമാധവന്‍, ജില്ലാ ലൈബ്രറി സെക്രട്ടറി ടി.ആര്‍ അജയന്‍, ബി.ജെ.പി സംസ്ഥാന വൈസ് പ്രസിഡന്റ എന്‍. ശിവരാജന്‍, പി.കെ. സുധാകരന്‍, എം.ബി മിനി സംസാരിച്ചു. സി.ആര്‍ ദിനേശ് സ്വാഗതവും എന്‍.എ.എം ജാഫര്‍ നന്ദിയും പറഞ്ഞു.