റിയാദ്: കിഴക്കന്‍ സഊദിയില്‍ സുരക്ഷാ സേനയുടെ പെട്രോളിംഗ് വാഹനത്തിന് നേരെ ആക്രമണം നടത്തിയ കേസില്‍ മൂന്ന് പേര്‍ക്ക് പ്രത്യേക കോടതി വധശിക്ഷ വിധിച്ചു. സുരക്ഷാ സേന വാഹനങ്ങള്‍ക്കു പുറമെ സര്‍ക്കാര്‍ വകുപ്പ് കെട്ടിടങ്ങള്‍ക്ക് നേരെയും ഖതീഫ് ജയിലിനു നേരേയും വെടിയുതിര്‍ത്തയായുള്ള കേസും ഇവര്‍ക്കെതിരെയുണ്ട്.

കേസിലെ മറ്റൊരു പ്രതിക്ക് 12 വര്‍ഷം തടവ് ശിക്ഷയും വിധിച്ചിട്ടുണ്ട്. ആയുധങ്ങള്‍ കൈവശം വെക്കല്‍, രാജ്യത്തേക്ക് ആയുധം കടത്തല്‍, ആയുധ പരിശീലനം നേടല്‍ എന്നീ കേസുകളാണ് വധശിക്ഷ മൂന്നു പേര്‍ നേരിട്ടത്. നടുക്കടലില്‍ വെച്ച് ആയുധം സ്വീകരിക്കല്‍, ഭീകരനെ ഒളിവില്‍ സഹായിക്കല്‍ തുടങ്ങിയ കേസുകളാണ് നാലാമന്‍ നേരിട്ടത്. ശിക്ഷക്ക് ശേഷം രാജ്യം വിട്ടു പുറത്തു പോകുന്നതിനും ഇയാള്‍ക്ക് വിലക്കുണ്ട്.