പട്ടാമ്പി : മദ്യം വ്യാപകമാക്കി ബാറുടമകളോട് നന്ദി കാട്ടുന്ന ഇടതു സര്‍ക്കാര്‍ പൊതുജനങ്ങളോട് നന്ദികേടാണ് കാണിക്കുന്നതെന്ന് മുസ്‌ലിംലീഗ് സംസ്ഥാനപ്രവര്‍ത്തക സമിതി അംഗം സി.എ.എം.എ കരീം പറഞ്ഞു . മുസ്‌ലിംലീഗ് പട്ടാമ്പി, തൃത്താല മണ്ഡലം നേതൃയോഗം പട്ടാമ്പിവെല്‍ക്കം ടൂറിസ്റ്റ് ഹോമില്‍ ഉദ്ഘാടനം ചെയ്യുകയായിരുന്നു കരീം.മദ്യം വ്യാപകമാക്കുമെന്നും ബാറുകള്‍ തുറക്കുമെന്നും മദ്യമുതലാളിമാര്‍ക്ക് കൊടുത്ത വാക്ക് പാലിക്കുന്ന സര്‍ക്കാര്‍ തങ്ങളെ അധികാരത്തിലേറ്റിയ ജനങ്ങളെ കബളിപ്പിക്കുകയാണെന്ന് അദ്ദേഹം പറഞ്ഞു. വി.എം മുഹമ്മദലി മാസ്റ്റര്‍ അധ്യക്ഷനായി. യു. ഹൈദ്രോസ്, കെ.പി വാപ്പുട്ടി, പി.ഇ.എ സലാം, അഡ്വ. മുഹമ്മദാലി മറ്റാംതടം, എസ്.എം.കെ തങ്ങള്‍, സി.എം അലി മാസ്റ്റര്‍, എം.ടി മുഹമ്മദലി പ്രസംഗിച്ചു.