തൃപ്രയാര്‍: എസ്.എസ്.എല്‍.സി പരീക്ഷയില്‍ ഫുള്‍ എപ്ലസ് നേടിയ നിര്‍ധനയായ കീര്‍ത്തിയുടെ കുടുംബത്തിന് വീടൊരുങ്ങി.
വലപ്പാട് കോതകുളം എസ്.എന്‍ റോഡ് റസിഡന്റ്‌സ് അസോസിയേഷന്റെ നേതൃത്വത്തിലാണ് കീര്‍ത്തിക്ക് ഒരു വീട് എന്ന പദ്ധതി പൂര്‍ത്തിയാക്കിയത്.
ഇന്ന് രാവിലെ 10ന് സേവനം സെന്റര്‍ യു.എ.ഇയുടെ വൈസ് പ്രസിഡന്റ് ബി. വേണുഗോപാല്‍ താക്കോല്‍ ദാനകര്‍മം നിര്‍വഹിക്കും. വീട് നിര്‍മിക്കുന്നതിന്നായി അഞ്ച് സെന്റ് സ്ഥലം പാട്ടുകുളങ്ങര ക്ഷേത്രത്തിനു സമീപം ഒരു വ്യക്തി സൗജന്യമായി വിട്ടു നല്‍കുകയായിരുന്നു.
ഈ സ്ഥലത്ത് സേവനം സെന്റര്‍ യു.എ.ഇയും, വലപ്പാട് ഗാമപഞ്ചായത്തും വിവിധ സംഘടനകളുടേയും സഹായത്തോടെയാണ് അമ്മയും സഹോദരിയും മാത്രമടങ്ങുന്ന കീര്‍ത്തിയുടെ കുടുംബത്തിന് വീടെന്ന സ്വപ്നം സാക്ഷാല്‍ക്കരിച്ചത്.
വലപ്പാട് ഗ്രാമപഞ്ചായത്ത് പ്രസിഡന്റ് ഇ.കെ തോമസ്മാസ്റ്റര്‍ മുഖ്യാതിഥിയാവും. റസിഡന്റ് അസോസിയേഷന്‍ പ്രസിഡന്റ് ടി.ജി ഗിരി, പി. പുരുഷോത്തമന്‍, മുസ്തലിഫ്, പ്രദീപ്കുമാര്‍ വാര്‍ത്താസമ്മേളനത്തില്‍ സംബന്ധിച്ചു.