ചേര്‍ത്തല : മാധ്യമപ്രവര്‍ത്തക ഗൗരി ലങ്കേഷിന്റെ വധത്തില്‍ പ്രതിഷേധിച്ച് പുരോഗമന കലാസാഹിത്യസംഘം കഞ്ഞിക്കുഴി ഏരിയ കമ്മിറ്റിയുടെ നേതൃത്വത്തില്‍ ശാസ്ത്ര സാഹിത്യ പരിഷത്ത്, യുവകലാസാഹിതി, ഇപ്റ്റ, എകെജി സ്മാരക കലാകായിക ക്ലബ്ബ് സംഘടനകളുടെ സഹകരണത്തോടെ മൗനജാഥയും സംഗമവും സംഘടിപ്പിച്ചു. ഗാനരചയിതാവ് രാജീവ് ആലുങ്കല്‍ ഉദ്ഘാടനം ചെയ്തു.
നിനു എസ്.പത്മം അധ്യക്ഷത വഹിച്ചു. മാലൂര്‍ ശ്രീധരന്‍, സത്യന്‍ പി.പനഞ്ചിക്കല്‍, പ്രഫ.തോമസ് വി.പുളിക്കന്‍, കരുവ മോഹനന്‍, എന്‍.ആര്‍.ബാലകൃഷ്ണന്‍, ചേര്‍ത്തല രാജന്‍ എന്നിവര്‍ പ്രസംഗിച്ചു.