തിരുവനന്തപുരം: കോണ്‍ഗ്രസിലെ ആഭ്യന്തരപ്രശ്‌നങ്ങളെക്കുറിച്ച് ഒന്നും ചോദിക്കേണ്ടെന്ന് പ്രതിപക്ഷ നേതാവ് രമേശ് ചെന്നിത്തല. യു.ഡി.എഫ് യോഗ തീരുമാനങ്ങള്‍ വിശദീകരിക്കാന്‍ വിളിച്ചുചേര്‍ത്ത വാര്‍ത്താസമ്മേളനത്തില്‍, പ്രതിപക്ഷ നേതാവിനെ മാറ്റുന്നതു സംബന്ധിച്ച് കോണ്‍ഗ്രസിലുണ്ടായ തര്‍ക്കത്തെക്കുറിച്ച് ചോദിച്ചപ്പോഴായിരുന്നു ചെന്നിത്തലയുടെ പ്രതികരണം. അതിനെക്കുറിച്ച് ഒന്നും ചോദിക്കേണ്ടെന്നും മറുപടി നല്‍കില്ലെന്നും അദ്ദേഹം പറഞ്ഞു.