മട്ടാഞ്ചേരി: 11 വര്‍ഷം മുമ്പ് നാലു വയസുകാരിയെ ലൈംഗികമായി പീഡിപ്പിച്ച കേസിലെ പ്രതി പിടിയിലായി. വയനാട് ഭാഗങ്ങളില്‍ മുങ്ങി നടന്ന പ്രതി മുണ്ടംവേലി പുത്തന്‍ പാടത്ത് വീട്ടില്‍ ക്ലീറ്റസ് (49) ആണ് അറസ്റ്റിലായത്. 2006 ല്‍ ഹാര്‍ബര്‍ പൊലിസ് സ്റ്റേഷനിലാണ് ഇയാള്‍ക്കെതിരേ കേസ് രജിസ്റ്റര്‍ ചെയ്തിരുന്നത്. ഫോര്‍ട്ടുകൊച്ചി സി ഐ രാജ് കുമാറിന്റെ നിര്‍ദേശാനുസരണം ഹാര്‍ബര്‍ എസ്.ഐ വിനോജ്, എ.എസ്.ഐ രാമചന്ദ്രന്‍, സി.പി.ഒ റെനീസ്, കെ.വിജയന്‍ എന്നിവര്‍ ചേര്‍ന്നാണ് ഇയാളെ അറസ്റ്റ് ചെയ്തത്. 2002ല്‍ തോപ്പുംപടിയില്‍ ഒരാളെ വെട്ടി പരിക്കേല്‍പ്പിച്ച കേസിലും ഇയാള്‍ പ്രതിയായി രുന്നുവെന്ന് പൊലിസ് പറഞ്ഞു.