കാസര്‍കോട്: കാര്‍ട്ടൂണിസ്റ്റ് പി.വി കൃഷ്ണന്‍മാഷിനെ ആദരിക്കുന്ന പരിപാടിയോടനുബന്ധിച്ചുള്ള കാര്‍ട്ടൂണ്‍ പ്രദര്‍ശനത്തിന് ഇന്നലെ രാവിലെ പുലിക്കുന്നിലെ മുനിസിപ്പല്‍ കോണ്‍ഫറന്‍സ് ഹാളില്‍ തുടക്കമായി. കൃഷ്ണന്‍ മാഷ് വരച്ച ഏറെ ശ്രദ്ധിക്കപ്പെട്ട നൂറിലേറെ കാര്‍ട്ടൂണുകളാണു പ്രദര്‍ശനത്തിലുള്ളത്. കാര്‍ട്ടൂണിസ്റ്റ് കെ.എ അബ്ദുല്‍ ഗഫൂര്‍ ഉദ്ഘാടനം ചെയ്തു.
സംഘാടക സമിതി ആക്ടിങ് ചെയര്‍മാന്‍ ടി.ഇ അബ്ദുല്ല അധ്യക്ഷനായി. മുജീബ് അഹ്മദ്, പി.വി കൃഷ്ണന്‍ മാസ്റ്റര്‍, സഹധര്‍മ്മിണി മേരി കൃഷ്ണന്‍, കാസര്‍കോട് നഗരസഭാ സ്റ്റാന്റിങ് കമ്മിറ്റി ചെയര്‍മാന്‍ കെ.എം അബ്ദുല്‍ റഹ്മാന്‍, പ്രസ്‌ക്ലബ് സെക്രട്ടറി വിനോദ് പായം, മുന്‍ പ്രസിഡന്റ് സണ്ണി ജോസഫ്, സി.എല്‍ ഹമീദ്, എ.കെ ശ്യാംപ്രസാദ്, വി.വി പ്രഭാകരന്‍ സംസാരിച്ചു. 17വരെ കാര്‍ട്ടൂണ്‍ പ്രദര്‍ശനം തുടരും. വൈകുന്നേരം സന്ധ്യാരാഗം ഓഡിറ്റോറിയത്തില്‍ കവിയരങ്ങു നടന്നു. ജില്ലയിലെ മുപ്പതോളം കവികള്‍ കവിതകള്‍ അവതരിപ്പിച്ചു. കവി വീരാന്‍കുട്ടി ഉദ്ഘാടനം ചെയ്തു. പി.എസ് ഹമീദ് അധ്യക്ഷനായി.
ഇന്നു രാവിലെ 10നു മുനിസിപ്പല്‍ കോണ്‍ഫറന്‍സ് ഹാളില്‍ കാര്‍ട്ടൂണ്‍ ക്യാംപ് കാര്‍ട്ടൂണിസ്റ്റ് സഗീര്‍ ഉദ്ഘാടനം ചെയ്യും. റഹ്മാന്‍ തായലങ്ങാടി അധ്യക്ഷനാവും. കാര്‍ട്ടൂണിസ്റ്റുകളായ ടി.കെ സുജിത്, പി.വി കൃഷ്ണന്‍, സഗീര്‍, കെ.എ അബ്ദുല്‍ഗഫൂര്‍ എന്നിവര്‍ ക്ലാസെടുക്കും. ജി.ബി വല്‍സനാണു ക്യാംപ് ഡയറക്ടര്‍.