തൃശൂര്‍: മന്ത്രി കടകംപള്ളി സുരേന്ദ്രന്‍ ഗുരുവായൂര്‍ ക്ഷേത്രദര്‍ശനം നടത്തിയതിനെതിരേ സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. കമ്യൂണിസ്റ്റ് ആശയങ്ങളില്‍ നിന്ന് വ്യതിചലിക്കുന്നവര്‍ക്കെതിരേ തിരുത്തല്‍ ഉണ്ടാകുമെന്ന് അദ്ദേഹം മുന്നറിയിപ്പ് നല്‍കി.
പുത്തൂരില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. പാര്‍ട്ടി പ്രവര്‍ത്തകര്‍ മാനദണ്ഡങ്ങളുടെ അടിസ്ഥാനത്തില്‍ ജീവിക്കണം. പാര്‍ട്ടിക്കുള്ളില്‍ ഒരുതരത്തിലും വിഭാഗീയതയില്ല. മികച്ച ഏകോപനത്തോടു കൂടിയാണ് പ്രവര്‍ത്തനങ്ങള്‍ മുന്നോട്ടുപോകുന്നതെന്നും കോടിയേരി വ്യക്തമാക്കി.
കായല്‍ കൈയേറി റിസോര്‍ട്ട് നിര്‍മിച്ച സംഭവത്തില്‍ മന്ത്രി തോമസ് ചാണ്ടി കുറ്റക്കാരനെന്ന് കണ്ടാല്‍ സര്‍ക്കാര്‍ നടപടിയെടുക്കുമെന്നും അദ്ദേഹം പറഞ്ഞു.