പാണക്കാട്: ലോക നാട്ടറിവ് ദിനാചരണത്തിന്റെ മുന്നോടിയായും കര്‍ക്കിടകമാസത്തിന്റെ പ്രത്യേകതകള്‍ ഉള്‍ക്കൊണ്ടും പാണക്കാട് എം.യു.എ.യു.പിസ്‌കൂള്‍ വിദ്യാര്‍ഥികള്‍ ഔഷധ സസ്യപ്രദര്‍ശനം നടത്തി.
വിദ്യാര്‍ഥികള്‍ ശേഖരിച്ച വ്യത്യസ്തയിനം ഔഷധ സസ്യങ്ങളുടെ തൈകള്‍ ഇനം തിരിച്ച് ഒരോന്നിന്റെയും ഔഷധമൂല്യങ്ങള്‍ വിശദമാക്കികൊണ്ടായിരുന്നു പ്രദര്‍ശനം.
ഔഷധ സസ്യങ്ങളെകുറിച്ചുള്ള സാമാന്യ അറിവ് പ്രദര്‍ശനത്തില്‍ പകര്‍ന്നുനല്‍കി. സാമൂഹ്യശാസ്ത്ര ക്ലബിന്റെ ആഭിമുഖ്യത്തില്‍ നടന്ന പ്രദര്‍ശനം കെ മുഹമ്മദാലി ഉദ്ഘാടനം ചെയ്തു. പി.ടി ജോര്‍ജ് അധ്യക്ഷനായിരുന്നു.  മുജീബ് റഹ്മാന്‍ ടി, ഉമ്മുസല്‍മ കെ, പി.കെ അഹമ്മദ് റിയാസ്, കൊച്ചുറാണി മാത്യു നേതൃത്വം നല്‍കി.