കോഴിക്കോട്: രാജ്യത്ത് ദുരിതം വിതക്കുന്ന വര്‍ഗീയ ഫാസിസത്തെ വേരോടെ പിഴുതെറിയാന്‍ പുതുതലമുറ ആര്‍ജവം കാണിക്കണമെന്ന് പ്രമുഖ ഡോക്യുമെന്ററി ഫിലിം മേക്കറും, സേവ് ഇന്‍ഡ്യാ ഫോറം ചെയര്‍മാനുമായ ഗോപാല്‍ മേനോന്‍.
'ഫാസിസത്തിനെതിരേ പൊരുതുക' എന്ന പ്രമേയത്തില്‍ എം.എസ്.എഫ് കാംപസുകള്‍ കേന്ദ്രീകരിച്ചു നടത്തുന്ന സര്‍ഗ സമരത്തിന്റെ സംസ്ഥാനതല ഉദ്ഘാടനം നാദാപുരം ഗവ. കോളജില്‍ നിര്‍വഹിച്ചു സംസാരിക്കുകയായിരുന്നു അദ്ദേഹം. ചടങ്ങില്‍ എം.എസ്.എഫ് സംസ്ഥാന പ്രസിഡന്റ് മിസ്ഹബ് കീഴരിയൂര്‍ അധ്യക്ഷനായി. സംവിധായകന്‍ മുഹമ്മദ് ഷഫീഖ് പെരിങ്ങത്തൂര്‍, കവി ഗോപി നാരായണന്‍, മുസ്‌ലിം യൂത്ത് ലീഗ് ദേശീയ ജനറല്‍ സെക്രട്ടറി സി.കെ സുബൈര്‍, മുസ്‌ലിം ലീഗ് സംസ്ഥാന സമിതി അംഗം സി.വി.എം വാണിമേല്‍, നിയോജക മണ്ഡലം പ്രസിഡന്റ് സൂപ്പി നരിക്കാട്ടേരി, ജനറല്‍ സെക്രട്ടറി എന്‍.കെ മൂസ മാസ്റ്റര്‍, യൂത്ത് ലീഗ് ജില്ലാ ജനറല്‍ സെക്രട്ടറി കെ.കെ നവാസ്, മണ്ഡലം പ്രസിഡന്റ് കെ.എം സമീര്‍, ജനറല്‍ സെക്രട്ടറി സി.കെ നാസര്‍ സംസാരിച്ചു.
മാപ്പിളകലാ അക്കാദമി ജില്ലാ പ്രസിഡന്റ് എം.കെ അഷ്‌റഫ് മാനവ സൗഹൃദ ഗീതം ആലപിച്ചു. എം.എസ്.എഫ് സംസ്ഥാന ജനറല്‍ സെക്രട്ടറി എം.പി നവാസ് സ്വാഗതവും, സെക്രട്ടറി ശരീഫ് വടക്കയില്‍ നന്ദിയും പറഞ്ഞു.
ഭാരവാഹികളായ കെ.ടി റഊഫ്, സി.കെ നജാഫ്, സുബൈര്‍ തെക്കയില്‍, അഫ്‌നാസ് ചോറോട്, മുഹമ്മദ് പേരോട് നേതൃത്വം നല്‍കി.