കോഴിക്കോട്: സുന്നി യുവജന സംഘം സംസ്ഥാന കമ്മിറ്റിയുടെ ആഭിമുഖ്യത്തില്‍ ഇന്ന് കോഴിക്കോട്ട് നടക്കുന്ന ശരീഅത്ത് സമ്മേളനം സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. സയ്യിദ് മുഹമ്മദ് കോയ തങ്ങള്‍ ജമലുല്ലൈലി അധ്യക്ഷനാകും. ഫ്രാന്‍സിസ് റോഡിലെ സമസ്ത അങ്കണത്തില്‍ പ്രത്യേകം സജ്ജമാക്കിയ ശംസുല്‍ ഉലമാ നഗറിലാണ് സമ്മേളനം നടക്കുന്നത്. സമസ്തയുടേയും കീഴ്ഘടകങ്ങളുടേയും സംസ്ഥാന കൗണ്‍സിലര്‍മാരും ഖത്വീബുമാരും പ്രധാന പ്രവര്‍ത്തകരും സംബന്ധിക്കും. പ്രൊഫ. കെ.ആലിക്കുട്ടി മുസ്‌ലിയാര്‍ മുഖ്യ പ്രഭാഷണം നടത്തും. എം.ടി.അബ്ദുല്ല മുസ്‌ലിയാര്‍ (വിവാഹം, വിവാഹമോചനം), അബ്ദുല്‍ ഹമീദ് ഫൈസി അമ്പലക്കടവ്(പ്രബോധനത്തിന്റെ അതിര് ), അബ്ദുസമദ് പൂക്കോട്ടൂര്‍ (ശരീരത്ത് സംരക്ഷണം വിശ്വാസിയുടെ ബാധ്യത), ഓണംപിള്ളി മുഹമ്മദ് ഫൈസി (ശരീഅത്തും ഭരണഘടനയും) വിഷയങ്ങള്‍ അവതരിപ്പിക്കും.
ഉമര്‍ മുസ്‌ലിയാര്‍ കൊയ്യോട്, ഡോ. ബഹാഉദ്ദീന്‍ മുഹമ്മദ് നദ്‌വി, ഉമര്‍ ഫൈസി മുക്കം, എ.വി.അബ്ദുറഹിമാന്‍ മുസ്‌ലിയാര്‍, പിണങ്ങോട് അബൂബക്കര്‍, നാസര്‍ ഫൈസി കൂടത്തായി, കെ.മോയിന്‍കുട്ടി മാസ്റ്റര്‍, സത്താര്‍ പന്തല്ലൂര്‍ പ്രസംഗിക്കും.