ഭോപ്പാല്‍: പത്ത് വയസുകാരിയെ ഉപദ്രവിക്കാന്‍ ശ്രമിച്ച സംഭവത്തില്‍ രണ്ടു പേരെ പൊലിസ് അറസ്റ്റ് ചെയ്തു. ഭോപ്പാലിലെ ശിവപുരിയിലായിരുന്നു സംഭവം. സൈക്കിളിലെത്തിയ പെണ്‍കുട്ടിയെ ഒരാള്‍ പിടികൂടിയത് ഇവിടെ സ്ഥാപിച്ച സി.സി.ടി.വിയില്‍ പതിഞ്ഞിരുന്നു. ഈ സമയം മറ്റൊരാള്‍ അവിടെ വരുന്നുണ്ടെങ്കിലും ഈ രംഗങ്ങള്‍ നോക്കി നിന്ന ശേഷം നടന്ന് പോകുന്നതും ദൃശ്യത്തില്‍ കാണാം. കുട്ടി വീട്ടിലെത്തി മാതാപിതാക്കളെ അറിയിച്ചതോടെ ഇവര്‍ സി.സി.ടി.വി ദൃശ്യം അടക്കം പൊലിസില്‍ പരാതി നല്‍കി. ഇതേതുടര്‍ന്ന് കുട്ടിയെ പിടിച്ചയാളെയും ഇത് കണ്ടുനിന്ന ആളേയും പൊലിസ് അറസ്റ്റ് ചെയ്തത്. ഇരുവരും പെയിന്റിംഗ് തൊഴിലാളികളാണ്. ഇന്ത്യയില്‍ സ്ത്രീകള്‍ക്കും കുട്ടികള്‍ക്കും നേരെ ഏറ്റവും കൂടുതല്‍ അക്രമങ്ങള്‍ നടക്കുന്ന സംസ്ഥാനങ്ങളില്‍ മുന്‍പിലാണ് മധ്യപ്രദേശ്.