തിരുവനന്തപുരം: ബി.ജെ.പിയും സി.പി.എമ്മും നടത്തുന്ന അക്രമരാഷ്ട്രീയത്തിനും അഴിമതിക്കുമെതിരേ ഗാന്ധി ജയന്തി ദിനമായ ഒക്ടോബര്‍ രണ്ടിന് മണ്ഡലം കോണ്‍ഗ്രസ് കമ്മിറ്റികളുടെ നേതൃത്വത്തില്‍ രാവിലെ 10 മുതല്‍ വൈകിട്ട് നാലുവരെ ഉപവാസ സത്യഗ്രഹം നടത്തും. രാവിലെ 9.30ന് കെ.പി.സി.സി പ്രസിഡന്റ് എം.എം ഹസന്റെ നേതൃത്വത്തില്‍ ഇന്ദിരാഭവനില്‍ ഗാന്ധിജിയുടെ ചിത്രത്തില്‍ പുഷ്പാര്‍ച്ചനയും തുടര്‍ന്ന് സര്‍വമത പ്രാര്‍ഥനയും നടത്തുമെന്നും കെ.പി.സി.സി ജനറല്‍ സെക്രട്ടറി തമ്പാനൂര്‍ രവി അറിയിച്ചു.