കൊച്ചി: സ്‌പൈസ് കോസ്റ്റ് മാരത്തണ്‍ നവംബര്‍ 12ന് കൊച്ചിയില്‍ നടക്കും. ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കര്‍ ഫ്‌ളാഗ് ഒാഫ് ചെയ്യുമെന്ന് കൊച്ചി മേയര്‍ സൗമിനി ജെയിന്‍ വാര്‍ത്താസമ്മേളനത്തില്‍ അറിയിച്ചു. കൊച്ചി കോര്‍പറേഷന്‍, സോള്‍സ് ഒാഫ് കൊച്ചിന്‍, ഡി.ടി.പി.സി, കെ.എം.ആര്‍.എല്‍ സംയുക്തമായാണ് സംഘടിപ്പിക്കുന്നത്. ഫുള്‍ മാരത്തണ്‍ (42.2 കി.മീ), ഹാഫ് മാരത്തണ്‍ (21.1 കി.മീ) ഫാമിലി റണ്‍ (എട്ട് കി.മീ) ഇനങ്ങളില്‍ എണ്ണായിരത്തിലധികം പേര്‍ മത്സരത്തില്‍ പങ്കെടുക്കും. വെല്ലിങ്ടണ്‍ ഐലന്‍ഡിലെ പോര്‍ട്ട് ട്രസ്റ്റ് ഗ്രൗണ്ടില്‍ നിന്നാരംഭിക്കുന്ന മാരത്തണ്‍ ഫോര്‍ട്ട്‌കൊച്ചി, മട്ടാഞ്ചേരി, തേവര, എം.ജി റോഡ്, മറൈന്‍ഡ്രൈവ്, ഹൈക്കോര്‍ട്ട്, ദര്‍ബാര്‍ ഹാള്‍ ഭാഗങ്ങളിലൂടെ മുന്നേറി പോര്‍ട്ട് ട്രസ്റ്റ് ഗ്രൗണ്ടില്‍ തന്നെ സമാപിക്കും. ബോസ്റ്റണ്‍ മാരത്തണ്‍ പോലുള്ള അന്താരാഷ്ട്ര മാരത്തണുകള്‍ക്ക് യോഗ്യത നേടാനുള്ള അവസരം കൂടിയാണ് സ്‌പൈസ് കോസ്റ്റ് മാരത്തണ്‍. വേേു:ുെശരലരീമേൊമൃമവേീി.രീാ യു.ആര്‍.എല്‍ വഴി രജിസ്റ്റര്‍ ചെയ്യാം.