ന്യൂഡല്‍ഹി: ഇന്ത്യയുടെ വെറ്ററന്‍ പേസ് ബൗളര്‍ ആശിഷ് നെഹ്‌റ അന്താരാഷ്ട്ര ക്രിക്കറ്റില്‍ നിന്ന് വിരമിക്കുന്നു. ന്യൂസിലന്‍ഡിനെതിരേ നവംബര്‍ ഒന്നിന് സ്വന്തം തട്ടകമായ ഫിറോസ് ഷാ കോട്‌ലയില്‍ നടക്കുന്ന ടി20 മത്സരത്തോടെയാണ് നെഹ്‌റ അന്താരാഷ്ട്ര മത്സരങ്ങളോട് വിടചൊല്ലുക. വിരമിക്കല്‍ വാര്‍ത്ത നെഹ്‌റ സ്ഥിരീകരിച്ചു.
നേരത്തെ താരം വിരമിക്കാന്‍ ആഗ്രഹിക്കുന്നതായും ഇതിനായി കിവീസിനെതിരായ ആദ്യ മത്സരത്തില്‍ തന്നെ ടീമിലുള്‍പ്പെടുത്തണമെന്നും ഇന്ത്യന്‍ നായകന്‍ വിരാട് കോഹ്‌ലിയോട് ആവശ്യപ്പെട്ടിരുന്നു. ടീം മാനേജ്‌മെന്റിനോടും സെലക്ഷന്‍ കമ്മിറ്റിയോടും ഇക്കാര്യം സൂചിപ്പിച്ചെന്നും നെഹ്‌റ പറഞ്ഞു.