ദോഹ: പുതിയ സ്വകാര്യ സ്‌കൂളുകളും കിന്‍ഡര്‍ഗാര്‍ട്ടനുകളും തുടങ്ങാനുള്ള അപേക്ഷകള്‍ അടുത്ത മാസം ഒന്ന് മുതല്‍ ഡിസംബര്‍ 31 വരെ സ്വീകരിക്കും.

അടുത്ത അധ്യയന വര്‍ഷം പുതിയ സ്വകാര്യ സ്‌കൂളുകള്‍ തുടങ്ങാനുള്ള അപേക്ഷ സ്വീകരിക്കുന്നതിനുള്ള സമയക്രമം വിദ്യാഭ്യാസ മന്ത്രാലയം കഴിഞ്ഞദിവസമാണ് പ്രഖ്യാപിച്ചത്.

ഓണ്‍ലൈന്‍ മുഖേനയാണ് അപേക്ഷ നല്‍കേണ്ടത്. അപേക്ഷകരുടെ മറ്റ് നടപടിക്രമങ്ങള്‍ ഏഴ് മാസത്തിനുള്ളില്‍ പൂര്‍ത്തിയാക്കിയാല്‍ മതിയാകും.

അംഗീകൃത രീതിയില്‍ ഓണ്‍ലൈനില്‍ അപേക്ഷ സമര്‍പ്പിച്ചാല്‍ ഏഴ് മുതല്‍ പത്ത് വരെ പ്രവൃത്തിദിനങ്ങളില്‍ മന്ത്രാലയത്തിന്റെ പ്രതികരണമുണ്ടാകും.

വിവിധ മന്ത്രാലയങ്ങളുടെയും വകുപ്പുകളുടെയും എല്ലാ അംഗീകാരങ്ങളും ഉള്‍പ്പെടെ അപേക്ഷയുടെ വിശദമായ നടപടിക്രമങ്ങള്‍ പൂര്‍ത്തിയാക്കാന്‍ ജൂലൈ വരെയാണ് സമയം.

അപേക്ഷയില്‍ അന്തിമ തീരുമാനവും ലൈസന്‍സ് സമര്‍പ്പിക്കേണ്ടതും ജൂലൈയിലാണ്. അതിന ശേഷം രണ്ട് മാസം കഴിഞ്ഞാല്‍ പുതിയ അധ്യയന വര്‍ഷം തുടങ്ങും.