ന്യൂഡല്‍ഹി:മലയാളി നയതന്ത്ര ഉദ്യോഗസ്ഥന്‍ സിബി ജോര്‍ജിനെ സ്വിറ്റ്‌സര്‍ലന്‍ഡിലെ ഇന്ത്യന്‍ സ്ഥാനപതിയായി നിയമിച്ചു. സ്മിതാ പുരുഷോത്തമനു പകരമായാണ് നിയമനം.
സിബി ജോര്‍ജ് നിലവില്‍ വിദേശ കാര്യമന്ത്രാലയത്തില്‍ ജോയിന്റ് സെക്രട്ടറിയായി പ്രവര്‍ത്തിച്ചുവരികയായിരുന്നു.
കോട്ടയം പാലാ പൊടിമറ്റം കുടുംബാംഗമായ സിബി ജോര്‍ജ് 1993ലാണ് ഇന്ത്യന്‍ വിദേശ സര്‍വിസിന്റെ ഭാഗമായത്. കെയ്‌റോ, ദോഹ, വാഷിങ്ടണ്‍, ടെഹ്‌റാന്‍, കറാച്ചി, റിയാദ് എന്നിവിടങ്ങളിലെ ഇന്ത്യന്‍ നയതന്ത്രകാര്യാലയങ്ങളില്‍ ജോലി ചെയ്തിട്ടുണ്ട്.