ഗൂഡല്ലൂര്‍: വീട് കുത്തിത്തുറന്ന് മോഷണം നടത്തിയ സംഭവത്തില്‍ രണ്ടുപേരെ പൊലിസ് പിടികൂടി. മുല്ലൈനഗര്‍ സ്വദേശികളായ കനകരത്തിനം (24), ശിവഗണേഷ് എന്നിവരാണ് പിടിയിലായത്. ഗൂഡല്ലൂര്‍ നഗരസഭയിലെ ധര്‍മഗിരിയിലെ അടച്ചിട്ട വീട്ടില്‍നിന്ന് 20,000 രൂപയുടെ വസ്തുക്കളാണ് ഇവര്‍ മോഷ്ടിച്ചത്.
വീട്ടുടമയുടെ പരാതിയുടെ അടിസ്ഥാനത്തില്‍ നടത്തിയ അന്വേഷണത്തിലാണ് പ്രതികള്‍ വലയിലായത്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.