കോഴിക്കോട്: സംസ്ഥാന സ്‌കൂള്‍ കായികമേളയില്‍ രണ്ടാം സ്ഥാനം നേടിയ പുല്ലൂരാംപാറ സെന്റ് ജോസഫ്‌സ് ഹയര്‍ സെക്കന്‍ഡറി സ്‌കൂളിന് ജില്ലാ സ്‌പോര്‍ട്‌സ് കൗണ്‍സിലിന്റെ ആഭിമുഖ്യത്തില്‍ സ്വീകരണം നല്‍കി.
സ്വീകരണ പരിപാടി എ. പ്രദീപ്കുമാര്‍ എം.എല്‍.എ ഉദ്ഘാടനം ചെയ്തു. കായികതാരങ്ങള്‍ക്ക് ഉപഹാരവും കാഷ് അവാര്‍ഡും സമ്മാനിച്ചു. സ്‌പോര്‍ട്‌സ് കൗണ്‍സില്‍ ഹാളില്‍ നടന്ന ചടങ്ങില്‍ സംസ്ഥാന പ്രസിഡന്റ് ടി.പി ദാസന്‍ അധ്യക്ഷനായി. പത്രപ്രവര്‍ത്തക യൂനിയന്‍ സംസ്ഥാന പ്രസിഡന്റ് കമാല്‍ വരദൂര്‍, ജോസ് മാത്യു, ടോമി ചെറിയാന്‍ സംസാരിച്ചു. താരങ്ങള്‍ക്കും പരിശീലകര്‍ക്കുമാണ് സ്വീകരണം നല്‍കിയത്.