കാബൂള്‍: അഫ്ഗാനിസ്താനിലെ വസ്‌രി അക്ബര്‍ ഖാന്‍ ഏരിയയിലെ ഗ്രീന്‍ സോണില്‍ ബോംബാക്രമണത്തില്‍ അഞ്ചു പേര്‍ കൊല്ലപ്പെട്ടു. 21 പേര്‍ക്ക് പരുക്കേറ്റിട്ടുണ്ട്. ചൊവ്വാഴ്ച ഉച്ചയ്ക്കു ശേഷമായിരുന്നു ബോംബാക്രമണം. നിരവധി വിദേശരാജ്യങ്ങളുടെ എംബസികളും സര്‍ക്കാറിന്റെ വിവിധ വകുപ്പ് ഓഫിസുകളും നിലനില്‍ക്കുന്ന സ്ഥലമാണ് വസ്‌രി അക്ബര്‍ ഖാന്‍ ഏരിയ.

സ്‌ഫോടനത്തിന്റെ മറ്റു വിവരങ്ങള്‍ പുറത്തുവന്നിട്ടില്ല. ഉത്തരവാദിത്വം ആരും ഏറ്റെടുത്തിട്ടില്ല. പ്രദേശം സൈന്യത്തിന്റെ നിയന്ത്രണത്തിലാണ്. മരണസംഖ്യ വര്‍ധിക്കാന്‍ ഇടയുണ്ടെന്നാണ് റിപ്പോര്‍ട്ട്. പരുക്കേറ്റവര്‍ സമീപത്തെ ആശുപത്രിയില്‍ ചികിത്സയിലാണ്.