കോയമ്പത്തൂര്‍: തന്നെ കാണാനെത്തുന്ന സ്ത്രീകളെ വശീകരിച്ച് പീഡിപ്പിച്ചെന്ന കേസില്‍ മന്ത്രവാദി അറസ്റ്റില്‍. സേലം ദാദക്കപട്ടി സ്വദേശി നാഗരാജസ്വാമി (54)ആണ് പിടിയിലായത്. പീഡനത്തിനിരയായ സമ്പന്ന കുടുംബത്തിലെ ഒരു സ്ത്രീയുടെ പരാതിയെ തുടര്‍ന്നാണ് അറസ്റ്റ്. രഹസ്യകാമറയില്‍ പകര്‍ത്തിയ പീഡന ദൃശ്യങ്ങളുടെ അടിസ്ഥാനത്തിലാണ് പൊലിസ് ഇയാളെ അറസ്റ്റ് ചെയ്തത്. പൂജമുറിയില്‍ ഒറ്റക്ക് ഇരുത്തി 'തീര്‍ഥപാനീയം' നല്‍കി പീഡിപ്പിക്കുകയാണ് ചെയ്തിരുന്നതെന്ന് പെലിസ് പറഞ്ഞു. ഇത്തരത്തില്‍ 50ഓളം സ്ത്രീകളെ പീഡിപ്പിച്ചിട്ടുണ്ടെന്നും സ്വര്‍ണാഭരണങ്ങളും മറ്റും കവര്‍ന്നിട്ടുണ്ടെന്നും ഇയാള്‍ സമ്മതിച്ചിട്ടുണ്ട്.