തൃശൂര്‍: ജോസ് ആലുക്കാസ് ഗ്രൂപ്പ് 'ഹാപ്പി സ്റ്റെപ്‌സ്' എന്ന കാരുണ്യ പദ്ധതിയുടെ ഭാഗമായി ലയണ്‍സ് ക്ലബ് ഓഫ് തൃശൂര്‍ സോണുമായി സഹകരിച്ച് സൗജന്യമായി കൃത്രിമ കാല്‍ വെച്ചുനല്‍കുന്നു. തൃശൂര്‍, പാലക്കാട്, മലപ്പുറം ജില്ലകളില്‍ നിന്നുള്ള 101 പേര്‍ക്കാണ് കാല്‍ വെച്ചു നല്‍കുന്നത്. തൃശൂര്‍ കെ കരുണാകരന്‍ സ്മാരക ടൗണ്‍ഹാളില്‍ ഡിസംബറില്‍ നടക്കുന്ന ചടങ്ങിലാണ് കൃത്രിമക്കാലുകള്‍ വിതരണം ചെയ്യുക. 7,50,000ത്തോളം രൂപയാണ് ഇതിനു ചെലവ് പ്രതീക്ഷിക്കുന്നത്. ക്യാമ്പില്‍ പങ്കെടുക്കാന്‍ താത്പര്യമുള്ളവര്‍ രണ്ടാഴ്ചക്കുള്ളില്‍ 7902315204 എന്ന നമ്പറില്‍ ബന്ധപ്പെടണം.