കോഴിക്കോട്: പ്രതിപക്ഷനേതാവ് രമേശ് ചെന്നിത്തല നയിക്കുന്ന യു.ഡി.എഫിന്റെ പടയൊരുക്കം ജാഥയുടെ ഭാഗമായി എട്ടിനു കോഴിക്കോട്ട് മേഖലാ റാലി സംഘടിപ്പിക്കും. പടയൊരുക്കത്തിന്റെ ഭാഗമായുള്ള ആദ്യ മേഖലാ റാലിയാണു കോഴിക്കോട്ടേത്.
വൈകിട്ട് നാലിന് മലബാര്‍ ക്രിസ്ത്യന്‍ കോളജ് ഗ്രൗണ്ടില്‍ നിന്ന് റാലി ആരംഭിക്കും. 5.30ന് ബീച്ചില്‍ നടക്കുന്ന പൊതുസമ്മേളനത്തില്‍ ഒരുലക്ഷം പ്രവര്‍ത്തകര്‍ പങ്കെടുക്കും. റാലി പാണക്കാട് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. മുന്‍ കേന്ദ്രമന്ത്രി പി. ചിദംബരം, ജെ.ഡി.യു നേതാവ് ശരത് യാദവ് തുടങ്ങിയ ദേശീയ നേതാക്കള്‍ പങ്കെടുക്കും.
മേഖലാ റാലിക്കുള്ള എല്ലാ ഒരുക്കങ്ങളും പൂര്‍ത്തിയായതായി യു.ഡി.എഫ് നേതാക്കള്‍ വാര്‍ത്താസമ്മേളനത്തില്‍ അറിയിച്ചു.