തിരുവനന്തപുരം: വൈദ്യുതി ചാർജിനൊപ്പം ഈടാക്കുന്ന 19 പൈസ ഇന്ധന സർചാർജ് ഡിസംബറിലും തുടരും. നിലവിൽ യൂനിറ്റിന്  ഈടാക്കുന്നത് 19 പൈസ സർചാർജിൽ 10 പൈസ കെ.എസ്.ഇ.ബി സ്വന്തം നിലയിൽ പിരിക്കുന്നതും ഒമ്പത് പൈസ റെഗുലേറ്ററി കമീഷൻ അംഗീകരിച്ച നിരക്കുമാണ്. ഒമ്പത് പൈസ എന്നത് 17 പൈസയാക്കി വർധിപ്പിക്കണമെന്നായിരുന്നു കെ.എസ്.ഇ.ബിയുടെ ആവശ്യം, അതേസമയം ഇത് ഒമ്പത് പൈസയായി തന്നെ നിജപ്പെടുത്തി കമീഷൻ ഉത്തരവിറക്കുകയായിരുന്നു.

2024 ഏപ്രിൽ മുതൽ ജൂലൈ വരെ ഇന്ധന സർചാർജിനത്തിൽ 37.70 കോടി രൂപ പിരിക്കാൻ ലക്ഷ്യമിട്ടാണ് കെ.എസ്.ഇ.ബി അപേക്ഷ നൽകിയത്. ഡിസംബർ പത്തിന് ഈ വിഷയത്തിൽ തെളിവെടുപ്പ് നിശ്ചയിച്ചിട്ടുണ്ടെങ്കിലും ഡിസംബറിലെ സർചാർജ് സംബന്ധിച്ച് കഴിഞ്ഞ ദിവസം തീരുമാനമെടുത്തു. കൂടാതെ കഴിഞ്ഞ ജൂലൈ മുതൽ നവംബർ വരെ ഉപഭോക്‌താക്കളിൽനിന്ന് ഇന്ധന സർചാർജിനത്തിൽ പിരിച്ചെടുത്ത തുകയുടെ വിശദാംശങ്ങൾ പത്ത് ദിവസത്തിനകം സമർപ്പിക്കാനും കമീഷൻ കെ.എസ്.ഇ.ബിയോട് ആവശ്യപ്പെട്ടിട്ടുണ്ട്.

 Indian Oil has announced that the 19 paise fuel surcharge will continue in December, affecting fuel prices across the country.