ലണ്ടന്‍: ടോട്ടനത്തിന്റെ ഇംഗ്ലണ്ട് താരം ഹാരി കെയ്‌നിന് രണ്ടു അന്താരാഷ്ട്ര മത്സരങ്ങള്‍ നഷ്ടമാകും. വമ്പന്‍ ടീമുകളായ ജര്‍മനി, ബ്രസീല്‍ ടീമുകള്‍ക്കെതിരായ മത്സരങ്ങളാണ് നഷ്ടമാകുക. ക്രിസ്റ്റല്‍ പാലസിനെതിരായ ഇംഗ്ലീഷ് പ്രീമിയര്‍ ലീഗ് മത്സരത്തിലാണ് താരത്തിന് പരുക്കേറ്റത്. അതേസമയം ടോട്ടനത്തില്‍ നിന്നുള്ള മൂന്നാമത്തെ ഇംഗ്ലീഷ് താരമാണ് പരുക്കിനെ തുടര്‍ന്ന് മത്സരത്തില്‍ നിന്ന് മാറിനില്‍ക്കുന്നത്. നേരത്തെ ഹാരി വിന്‍ക്‌സ്, ഡെല്ലെ അല്ലി എന്നിവര്‍ പരുക്കിനെ തുടര്‍ന്ന് പിന്‍മാറിയിരുന്നു.