അടയ്ക്കാത്തോട്: സ്വകാര്യ വ്യക്തിയുടെ കടയില്‍ നിന്നു വാങ്ങിയ ആട്ടയില്‍ പുഴുക്കളെ കണ്ടെത്തിയതായി പരാതി. അടയ്ക്കാത്തോട് സ്വദേശിയും വിമുക്തഭടനുമായ സത്യന്‍ കഴിഞ്ഞ നാലാം തിയതി വാങ്ങിയ ആട്ടയിലാണ് പുഴുക്കളെ കണ്ടെത്തിയത്. സേവന എന്ന കമ്പനിയുടെ പേരില്‍ വിപണിയില്‍ എത്തുന്ന ആട്ടയിലാണ് പുഴുക്കളെ കണ്ടെത്തിയത്. ഇതു സംബന്ധിച്ച് കമ്പനി അധികൃതരോട് പരാതിപ്പെട്ടെങ്കിലും ഇവര്‍ പരാതി സ്വീകരിക്കാന്‍ പോലും തയാറായില്ലെന്ന് സത്യന്‍ പറയുന്നു. ഇതിന്റെ അടിസ്ഥാനത്തില്‍ വെള്ളിയാഴ്ച വൈകുന്നേരത്തോടെ സേവനയുടെ ഉല്‍പന്നം വിതരണം ചെയ്യാനെത്തിയ വാഹനം നാട്ടുകാരുടെ നേതൃത്വത്തില്‍ തടയുകയും ചെയ്തു. പ്രശ്‌നം പരിഹരിക്കുന്നതിനായി ഇരുവിഭാഗങ്ങളെയും കേളകം പൊലിസ് സ്റ്റേഷനിലേക്ക് വിളിപ്പിച്ചിട്ടുണ്ട്.