നെയ്യാറ്റിന്‍കര: നാഗര്‍ കോവിലില്‍ നിന്നും തിരുവനന്തപുരത്തേക്ക് വരികയായിരുന്ന കെ.എസ്.ആര്‍.ടി.സി ഫാസ്റ്റ് പാസഞ്ചര്‍ ബസില്‍ കണ്ടെത്തിയ ഉടമസ്ഥനില്ലാത്ത ബാഗില്‍ നിന്നും പോളിത്തീന്‍ കവറില്‍ പൊതിഞ്ഞ നിലയില്‍ 3.5 കിലോ കഞ്ചാവ് കണ്ടെത്തി. ഇന്നലെ ഉച്ചയ്ക്ക് 1.30 ഓടുകൂടി ദേശീയപാതയില്‍ കൊറ്റാമം ഭാഗത്ത് അമരവിള എക്‌സൈസ് റെയ്ഞ്ച് സംഘം നടത്തിയ മിന്നല്‍ വാഹന പരിശോധനയ്ക്കിടയിലാണ് കഞ്ചാവ് കണ്ടെത്തിയത്. കഞ്ചാവിന് ഒരു ലക്ഷം രൂപ വിലവരുമെന്ന് എക്‌സൈസ് ഇന്‍സ്‌പെക്ടര്‍ അറിയിച്ചു. കഞ്ചാവ് കടത്തി കൊണ്ട് വന്ന ആളെക്കുറിച്ച് അന്വേഷണം പുരോഗമിക്കുന്നു.