നെയ്യാറ്റിന്‍കര: പെരുങ്കടവിള സ്വദേശിയായ യുവാവിനെ മര്‍ദിച്ചതായി പരാതി.
പെരുങ്കടവിള ആലത്തൂര്‍ കുഴിവിള പുത്തന്‍വീട്ടില്‍ അനില്‍ (32) ആണ് പരാതിക്കാരന്‍. കഴിഞ്ഞദിവസം വൈകുന്നേരം 6.30 ന് പാല്‍കുളങ്ങര സ്വദേശിനിയായ സുജാതയുടെ ഭര്‍ത്താവും രണ്ട് മക്കളും ചേര്‍ന്ന്  ക്രൂരമായി മര്‍ദ്ദിക്കുകയായിരുന്നുയെന്ന് ഇയാള്‍ മാരായമുട്ടം പൊലിസില്‍ നല്‍കിയ പരാതിയില്‍ പറുന്നു. പ്രതികള്‍ക്കെതിരേ മുന്‍പ് ഒരു കേസ് നല്‍കിയതിലെ വൈരാഗ്യമാണ് ആക്രമണകാരണമെന്ന് പൊലിസ് പറഞ്ഞു. മര്‍ദനമേറ്റ അനില്‍ നെയ്യാറ്റിന്‍കര ജനറല്‍ ആശുപത്രിയില്‍ ചികിത്സ തേടി. മാരായമുട്ടം പൊലീസ് കേസെടുത്തു.