റിയാദ്: സഊദി ആഭ്യന്തര മന്ത്രാലയം അടിയന്തര സാഹചര്യങ്ങളില്‍ തിരച്ചിലിനും രക്ഷാപ്രവര്‍ത്തനങ്ങള്‍ക്കും ഉപയോഗിക്കാവുന്ന ആര്‍ട്ടിഫിഷ്യല്‍ ഇന്റലിജന്‍സ് സംവിധാനത്തില്‍ പ്രവര്‍ത്തിക്കുന്ന ഡ്രോണ്‍ പ്രദര്‍ശിപ്പിച്ചു.'ജീവിതത്തിെന്റ ഭാവി' എന്ന ശീര്‍ഷകത്തില്‍ റിയാദ് എക്‌സിബിഷന്‍ ആന്‍ഡ് കണ്‍വെന്‍ഷന്‍ സെന്ററില്‍ നടക്കുന്ന 'സിറ്റി സ്‌കേപ്പ് 2024' മേളയിലാണ് മന്ത്രാലയത്തിന് കീഴിലെ സിവില്‍ ഡിഫന്‍സ് ഈ അത്യാധുനിക ഡ്രോണ്‍ പൊതുജനങ്ങള്‍ക്ക് കാണാനായി ഒരുക്കിയത്.

മുനിസിപ്പല്‍, ഗ്രാമകാര്യ, ഭവന മന്ത്രാലയാണ് മേളയുടെ സംഘാടകര്‍. സിവില്‍ ഡിഫന്‍സ് പവലിയനിലെ സന്ദര്‍ശകര്‍ക്ക് ഡ്രോണിന്റെ പ്രവര്‍ത്തന രീതിയെക്കുറിച്ച് വിശദീകരിച്ചു നല്‍കുന്നുണ്ട്. നിര്‍മിത ബുദ്ധിയില്‍ പ്രവര്‍ത്തിക്കുന്ന ഡ്രോണില്‍, കാമറ, തെര്‍മല്‍, മോഷന്‍ സെന്‍സറുകള്‍ എന്നിവ സജ്ജീകരിച്ചിട്ടുണ്ട്. ഈ ഡ്രോണിന് 30 കിലോമീറ്റര്‍ വരെ ഉയരത്തില്‍ പറക്കാന്‍ സാധിക്കും. മലയോര മേഖലയിലുണ്ടാകുന്ന അപകടങ്ങള്‍, കാട്ടുതീ, വെള്ളപ്പൊക്കം തുടങ്ങിയ സാഹചര്യങ്ങളില്‍ ഡ്രോണ്‍ രക്ഷാപ്രവര്‍ത്തനത്തിന് വളരെ ഉപകാരപ്രദമാണ്. ഭക്ഷണം, മരുന്നുകള്‍, അടിയന്തര സേവനങ്ങള്‍ എന്നിവ എത്തിച്ചേരാന്‍ ബുദ്ധിമുട്ടുള്ള സ്ഥലങ്ങളിലേക്ക് എത്തിക്കാന്‍ ഡ്രോണ്‍ ഉപയോഗിക്കാനാകും.

സഊദി വിഷന്‍ 2030ന്റെ വെളിച്ചത്തില്‍ മന്ത്രാലയം സാക്ഷ്യം വഹിച്ച വികസനം ഉയര്‍ത്തിക്കാട്ടുകയാണ് പ്രദര്‍ശനത്തിലെ പങ്കാളിത്തത്തിലുടെ ആഭ്യന്തര മന്ത്രാലയം.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Saudi Arabia is set to harness drone technology to enhance its emergency response and rescue operations. This strategic move aims to ensure swift and effective assistance during critical situations.