വളപട്ടണം: ഫെയ്‌സ്ബുക്കിലൂടെ പരിചയപ്പെട്ട പതിനഞ്ചുകാരിയെ പീഡിപ്പിക്കാന്‍ ശ്രമിച്ച കേസില്‍ എന്‍ജിനീയറിങ് വിദ്യാര്‍ഥിയെ പൊലിസ് അറസ്റ്റു ചെയ്തു. വളപട്ടണത്തിനു സമീപം താമസിക്കുന്ന പെണ്‍കുട്ടിയെ പീഡിപ്പിക്കാന്‍ ശ്രമിച്ചതിന് കോഴിക്കോട് ജെ.ഡി.സി എന്‍ജിനിയറിങ് കോളജ് ഡിപ്ലോമ വിദ്യാര്‍ഥി മലപ്പുറം വെങ്ങളത്തെ ഫാസില്‍(21)നെയാണ് സി.ഐ ടി.കെ രത്‌നകുമാര്‍ അറസ്റ്റു ചെയ്തത്. ഫെയ്‌സ്ബുക്കിലൂടെ പരിചയപ്പെട്ട പെണ്‍കുട്ടിയുടെ വീട്ടില്‍ കഴിഞ്ഞ ദിവസം സന്ധ്യയ്ക്ക് മറ്റാരുമില്ലാത്ത സമയത്തെത്തിയ ഫാസില്‍ കുട്ടിയെ കടന്നുപിടിക്കാന്‍ ശ്രമിക്കുകയായിരുന്നു. ഇതേ തുടര്‍ന്ന് കുട്ടി നിലവിളിച്ചുകൊണ്ട് പുറത്തേക്കോടി രക്ഷപ്പെട്ടു. വിദ്യാര്‍ഥിനിയുടെ രക്ഷിതാക്കളുടെ പരാതിയിലാണ് അറസ്റ്റ്. ഫാസിലിനെ കോടതി രണ്ടാഴ്ചത്തേക്ക് റിമാന്‍ഡ് ചെയ്തു.