ഇരിട്ടി: നബാര്‍ഡ് കേരളാ ലക്ഷദ്വീപ് ചീഫ് ജനറല്‍ മാനേജര്‍ വി.ആര്‍ രവീന്ദ്രനാഥ മേനോന്‍, കണ്ണൂര്‍ ജില്ലാ മാനേജര്‍ എസ്.എസ് നാഗേഷ് എന്നിവര്‍ മുഴക്കുന്ന് മൃദംഗ ശൈലേശ്വരി ക്ഷേത്രത്തില്‍ സന്ദര്‍ശനം നടത്തി. പൊളിഞ്ഞു നാമാശേഷമായി കിടന്നിരുന്ന ഇവിടുത്തെ കുളം സഹസ്ര സരോവര്‍ പദ്ധതിയില്‍ ഉള്‍പ്പെടുത്തി 73 ലക്ഷം മുടക്കി നബാര്‍ഡ് ആണ് പുതുക്കി പണിതത്. എന്നാല്‍ പണി കഴിഞ്ഞെങ്കിലും ഇതുവരെ കുളം ക്ഷേത്രത്തിന് സമര്‍പ്പിച്ചിരുന്നില്ല. കുളം ഉദ്ഘാടനം ചെയ്യുന്നതിനെക്കുറിച്ച് ക്ഷേത്രം സെക്രട്ടറിയുമായി  ചര്‍ച്ച ചെയ്യുന്നതിനു വേണ്ടണ്ടിയാണ് ഇവര്‍ എത്തിയത്.ഉടന്‍തന്നെ ഇതിന്റെ ഉദ്ഘാടനം നടക്കുമെന്ന് ക്ഷേത്രം ഭാരവാഹികള്‍ അറിയിച്ചു.