ഷാജിത സമദ്

സംസ്‌കാരങ്ങളിലേക്കുള്ള കടന്നുകയറ്റമോ
ആത്മാഭിമാനത്തെ ചവിട്ടിയരക്കലോ
സ്വയമൊരു പുഴുവിന്‍ ജന്മമെടുക്കലോ
മറ്റെന്താണ് അധിനിവേശത്തിന്‍ ബാക്കിപത്രം.

കരാളഹസ്തങ്ങള്‍ തൊണ്ടക്കുഴിയെ ലക്ഷ്യമിടുമ്പോള്‍
തോക്കിന്‍മുനകള്‍ നെഞ്ചിന്‍കൂട് തകര്‍ക്കുമ്പോള്‍
പ്രതാപകാലത്തിന്‍ ഐശ്വര്യത്തെ ഓര്‍ക്കാതെ
ജീവനുവേണ്ടി കെഞ്ചും യാചകരാക്കി ജനത്തെ.

ജീവിതം കീഴ്‌മേല്‍ മറിക്കാന്‍
പട്ടിണിയാല്‍ ആത്മവിശ്വാസം കെടുത്താന്‍
പലായനം എന്ന നാടുകടത്തലിന്‍ ഇരകളാകാന്‍
ജന്മഭൂമിയില്‍ അന്യരാകാന്‍ വിധിച്ചവര്‍
അല്ല, വിധിയെ പഴിച്ചവര്‍.