കോഴിക്കോട്: നവീകരണത്തിന് കെ.എസ്.ആര്‍.ടി.സി സ്റ്റാന്‍ഡിലെ കടകള്‍ ഒഴിപ്പിക്കുന്നതിനെതിരെ ഉടമകളുടെ പ്രതിഷേധം. പൊലിസ് ബലം പ്രയോഗിച്ചാണ് കടകള്‍ ഒഴിപ്പിക്കാന്‍ ശ്രമിക്കുന്നതെന്നാണ് കട ഉടമകളുടെ ആരോപണം.

കെ.ടി.ഡി.എഫ്.സി എം.ഡിയുടെ നിര്‍ദേശപ്രകാരമാണ് കോഴിക്കോട് കെ.എസ്.ആര്‍.ടിസി സ്റ്റാന്‍ഡിലെ കടമുറികള്‍ ഒഴിപ്പിക്കാന്‍ ശ്രമം നടക്കുന്നത്.

എന്നാല്‍ ഹൈക്കോടതി വിധി ഞങ്ങള്‍ക്ക് അനുകൂലമാണെന്നും വിധി പകര്‍പ്പ് കിട്ടുന്നതിന് മുമ്പ് അവധി ദിവസത്തില്‍ കട ഒഴിപ്പിക്കാന്‍ നോക്കുന്നത് നിയമവിരുദ്ധമാണെന്നുമാണ് കട ഉടമകളുടെ വാദം. വന്‍ പൊലിസ് സന്നാഹത്തോടെയാണ് കട ഒഴിപ്പിക്കല്‍ പുരോഗമിക്കുന്നത്.