കൊച്ചി: സംസ്ഥാനത്ത് സ്വര്‍ണവിലയില്‍ ഇടിവ്. പവന് 120 രൂപ കുറഞ്ഞ് 38,720 രൂപയായി. ഒരു ഗ്രാമിന് 15 രൂപ കുറഞ്ഞ് 4840 രൂപയായി. ഇന്നലെ പവന് 440 രൂപയുടെ വര്‍ധനവ് രേഖപ്പെടുത്തിയിരുന്നു.

ഈ മാസത്തിന്റെ തുടക്കത്തില്‍ 38,480 രൂപയായിരുന്നു പവന്. പിന്നീട് ഏപ്രില്‍ നാലിന് 38,240 രൂപയായി കുറഞ്ഞിരുന്നു. തുടര്‍ന്ന് വില പടിപടിയായി ഉയരുകയായിരുന്നു. ഏപ്രില്‍ 18ന് ഈ മാസത്തെ ഏറ്റവും ഉയര്‍ന്ന നിലവാരമായ 39,880 രൂപയായി ഉയര്‍ന്നിരുന്നു.