മലപ്പുറം: ട്രിപ്പിള്‍ ലോക്ക്ഡൗണ്‍ തുടരുന്ന മലപ്പുറം ജില്ലയില്‍ ബുധനാഴ്ച മുതല്‍ ഹാര്‍ബറുകള്‍ തുറക്കുന്നു. പൊന്നാനി, താനൂര്‍ ഹാര്‍ബറുകള്‍ തുറക്കാനാണ് അനുമതി നല്‍കിയിരിക്കുന്നത്. രാവിലെ ഏഴുമുതല്‍ രണ്ടുവരെയാണ് അനുമതി. പടിഞ്ഞാറേക്കര, കൂട്ടായി, തേവര്‍ കടപ്പുറം, ടാപ്പടി എന്നീ ലാന്റിങ് സെന്ററുകളും തുറക്കും.

യാനങ്ങള്‍ക്ക് രജിസ്‌ട്രേഷന്‍ അനുസരിച്ച് ഒന്നിടവിട്ട ദിവസങ്ങളില്‍ മത്സ്യബന്ധം നടത്താനും അനുമതി നല്‍കിയിട്ടുണ്ട്. മറ്റു ജില്ലകളില്‍ നിന്നുള്ള യാനങ്ങള്‍ അനുവദിക്കില്ല.
പൊന്നാനി ഹാര്‍ബറില്‍ ട്രിപ്പിള്‍ ലോക്ക്ഡൗണ്‍ ലംഘിച്ച് നൂറുകണക്കിന് ആളുകള്‍ പങ്കെടുത്ത മത്സ്യ ലേലം നടന്നിരുന്നു.