കുവൈത്ത് സിറ്റി: കേരളത്തിൽ നിന്ന് കുവൈത്തിലേക്കുള്ള വിമാന ടിക്കറ്റ് നിരക്ക് കുത്തനെ വർധിപ്പിച്ചു. കേരളത്തിൽ സ്‌കൂളുകൾ അടച്ച് അവധി ആരംഭിച്ചതോടെയാണ് നാട്ടിൽ നിന്ന് കുവൈത്തിലേക്കുള്ള വിമാന നിരക്കിൽ വൻ വർധനവ് രേഖപ്പെടുത്തിയത്. കോ​ഴി​ക്കോ​ടു​നി​ന്ന് കു​വൈ​ത്തി​ലേ​ക്ക് 16000ത്തി​നും 20,000ത്തി​നും ഇ​ട​യി​ലേ​ക്ക് ഇ​പ്പോ​ൾ ടി​ക്ക​റ്റ് നി​ര​ക്ക് ഉ​യ​ർ​ന്നി​ട്ടു​ണ്ട്.

കോഴിക്കോടിന് പുറമെ ക​ണ്ണൂ​ർ, കൊ​ച്ചി, തി​രു​വ​ന​ന്ത​പു​രം എന്നീ വിമാനത്താവളങ്ങളിൽ നിന്നും കുവൈത്തിലേക്കുള്ള ടിക്കറ്റ് നിരക്ക് വർധിച്ചിട്ടുണ്ട്. ഏ​പ്രി​ൽ മു​ത​ൽ ടി​ക്ക​റ്റ് നി​ര​ക്ക് ഇ​നി​യും ഉ​യ​രു​മെ​ന്നാ​ണ് സൂ​ച​ന. കു​വൈ​ത്തി​ൽ​നി​ന്ന് നാ​ട്ടി​ലേ​ക്ക് ഇ​പ്പോ​ൾ വ​ലി​യ നി​ര​ക്കു​വ​ർ​ധ​ന ഇ​ല്ലെ​ങ്കി​ലും നോ​മ്പ് അ​വ​സാ​ന​മാ​കു​ന്ന​തോ​ടെ നി​ര​ക്ക് കൂടാനാണ് സാധ്യത.

ഉ​ത്സ​വ സീ​സ​ണു​ക​ൾ, സ്‌​കൂ​ൾ അ​വ​ധി​ക​ൾ തു​ട​ങ്ങി​യ സ​മ​യ​ങ്ങ​ളി​ൽ ടിക്കറ്റ് നിരക്ക് കൂട്ടുന്നത് പതിവായിരിക്കുകയാണ്. എയർ ഇന്ത്യ എക്സ്പ്രസ്സ് 2 നും 12 നും ഇടയിലുള്ള കുട്ടികൾക്ക് നൽകിയിരുന്ന കിഴിവ് നിർത്തിയതും ഇതിനിടെ പ്രവാസികൾക്ക് തിരിച്ചടിയായിട്ടുണ്ട്. നി​ര​ക്ക് ഉ​യ​രാ​നു​ള്ള സാ​ധ്യ​ത കണ്ട് മു​ൻ​കൂ​ട്ടി ടി​ക്ക​റ്റ് ബുക്ക് ചെയ്തവർക്ക് മാത്രമാണ് ഇപ്പോൾ കുറഞ്ഞ ടിക്കറ്റിൽ യാത്രചെയ്യാനാവുന്നത്.

കൂടുതല്‍ ഗള്‍ഫ് വാര്‍ത്തകള്‍ ലഭിക്കാന്‍ സുപ്രഭാതം വാട്‌സാപ്പ് കമ്യൂണിറ്റിയില്‍ ജോയിന്‍ ചെയ്യുക: https://chat.whatsapp.com/HVpI8bKnwZA7O8fvza77sv