കൊച്ചി: നടിയെ അക്രമിച്ച കേസില്‍ വിചാരണക്കോടതിക്കും സര്‍ക്കാരിനുമെതിരെ ആക്രമിക്കപ്പെട്ട നടി ഹൈക്കോടതിയില്‍ ഹരജി നല്‍കി. കേസ് അട്ടിമറിക്കാന്‍ നീക്കമെന്ന് ചൂണ്ടിക്കാട്ടിയാണ് നടി ഹരജി നല്‍കിയത്.

ഭരണകക്ഷിയില്‍ പെട്ട ചിലരെ ദിലീപ് സ്വാധീനിച്ചു. കേസ് അവസാനിപ്പിക്കാന്‍ നീക്കം നടക്കുന്ന സാഹചര്യത്തിലാണ് ഹൈക്കോടതിയെ സമീപിച്ചതെന്നും ഹരജിയില്‍ പറയുന്നു. ജുഡീഷ്യല്‍ കസ്റ്റഡിയില്‍ വെച്ച ദൃശ്യം ചോര്‍ന്നത്തില്‍ കോടതിക്ക് ഉത്തരവാദിത്വമുണ്ടെന്നും ഇതില്‍ കുറ്റക്കാരെ കണ്ടെത്താന്‍ കോടതി ഒരു നടപടിയും സ്വീകരിച്ചില്ലെന്നും ഹരജിയില്‍ പറയുന്നു.

കേസില്‍ ആദ്യഘട്ടത്തില്‍ ശരിയായ രീതിയിലായിരുന്നു അന്വേഷണം നടന്നിരുന്നത്. എന്നാല്‍ ദിലീപിന്റെ അഭിഭാഷകന്റെ ഉന്നതതല ബന്ധം കേസ് അവസാനിപ്പിക്കാന്‍ കാരണമാണെന്ന് നടി ഹരജിയില്‍ പറയുന്നു. നിലവില്‍ കേസിന്റെ അന്വേഷണം ശരിയായ ദിശയിലല്ല നീങ്ങുന്നതെന്നും നടി വ്യക്തമാക്കുന്നു.