കോഴിക്കോട്: കൊയിലാണ്ടിയില്‍ ലോറിയും കാറും കൂട്ടിയിടിച്ച് രണ്ടു മരണം. കാറില്‍ യാത്ര ചെയ്തിരുന്ന കണ്ണൂര്‍ സ്വദേശികളായ ശരത്(32), നിജീഷ്(35) എന്നിവരാണ് മരിച്ചത്. ചെങ്കല്ല് കയറ്റി വരികയായിരുന്നു ലോറി.

കൊയിലാണ്ടിയില്‍ ഇന്നലെ രാത്രി 12.30ഓടെയാണ് അപകടമുണ്ടായത്. ശരത്, നിജീഷ് എന്നിവരെ കോഴിക്കോട് മെഡിക്കല്‍ കോളജിലെത്തിച്ചെങ്കിലും രക്ഷിക്കാനായില്ല. ഇന്നു പുലര്‍ച്ചെയോടെയാണ് ഇരുവരും മരിച്ചത്.

കാറിലുണ്ടായിരുന്ന സജിത്, ലോറി ഡ്രൈവര്‍ സിദ്ദീഖ് എന്നിവര്‍ പരിക്കേറ്റ് മെഡിക്കല്‍ കോളേജ് ആശുപത്രിയില്‍ ചികിത്സയില്‍ തുടരുകയാണ്. ഇവരുടെ നില ഗുരുതരമല്ലെന്നാണ് ആശുപത്രി വൃത്തങ്ങള്‍ സൂചിപ്പിക്കുന്നത്.