HOME
DETAILS

സിദ്ദിഖിന്റെ കൊലപാതകം ഹണിട്രാപ്പെന്ന് സ്ഥിരീകരണം; നഗ്നനാക്കി ഫോട്ടെയെടുക്കാന്‍ ശ്രമിച്ചു, എതിര്‍ത്തപ്പോള്‍ ചുറ്റിക കൊണ്ടടിച്ചു

  
backup
May 27 2023 | 07:05 AM

kozhikode-hotel-owner-killed-during-honey-trap-attempt-says-police

സിദ്ദിഖിന്റെ കൊലപാതകം ഹണിട്രാപ്പെന്ന് സ്ഥിരീകരണം; നഗ്നനാക്കി ഫോട്ടെയെടുക്കാന്‍ ശ്രമിച്ചു, എതിര്‍ത്തപ്പോള്‍ ചുറ്റിക കൊണ്ടടിച്ചു

കോഴിക്കോട്: ഒളവണ്ണയില്‍ ഹോട്ടല്‍ ഉടമയായ സിദ്ദിഖിന്റെ കൊലപാതകത്തിന് പിന്നില്‍ ഹണി ട്രാപ്പെന്ന് സ്ഥിരീകരണം. സിദ്ദിഖിനെ നഗ്നനാക്കി ഫോട്ടെയെടുക്കാന്‍ ശ്രമിക്കുകയും അയാള്‍ എതിര്‍ത്തതുമാണ് കൊലപാതകത്തില്‍ കലാശിച്ചതെന്ന് പൊലിസ് പറഞ്ഞു. മൂന്നു പ്രതികളെയും മലപ്പുറം ഡി.വൈ.എസ്.പി ഓഫിസില്‍ വച്ച് എസ്.പിയുടെ നേതൃത്വത്തില്‍ ചോദ്യം ചെയ്തതിന് പിന്നാലെയണ് മലപ്പുറം എസ്.പി സുജിത് ദാസ് മാധ്യമങ്ങളെ കണ്ട് ഇക്കാര്യം അറിയിച്ചത്.

ഹണി ട്രാപ് വിവരം മൂന്നു പ്രതികള്‍ക്കും അറിയാമായിരുന്നു. 18ാം തിയ്യതി ഫര്‍ഹാനയും ആശിഖും ട്രെയിനില്‍ എത്തി. സിദ്ദിഖിനെ ഫര്‍ഹാനയാണ് ഹോട്ടല്‍ റൂമിലേക്ക് ക്ഷണിച്ചത്. ഷിബിലിയും ആശിഖും കൂടെയുണ്ടായിരുന്നു. റൂമില്‍വച്ച് സിദ്ദിഖിന്റെ നഗ്നഫോട്ടെയെടുക്കാന്‍ മൂവരും ശ്രമം നടത്തി. പണം ആവശ്യപ്പെട്ട് ഭീഷണിപ്പെടുത്തി. ഇത് സിദ്ദിഖ് തടഞ്ഞതോടെ കൈയ്യാങ്കളിയായി. ഇതിനിടെ ഫര്‍ഹാന കൈയ്യില്‍ കരുതിയിരുന്ന ചുറ്റിക ഷിബിലിക്ക് നല്‍കി. ഷിബിലി ഇതുകൊണ്ട് സിദ്ദിഖിന്റെ തലയ്ക്കടിച്ചു. ആശിഖ് നെഞ്ചില്‍ ആഞ്ഞുചവിട്ടിയതിനെത്തുടര്‍ന്നാണ് സിദ്ദിഖിന്റെ വാരിയെല്ലുകള്‍ തകര്‍ന്നത്.

കൊലപ്പെടുത്തിയ ശേഷമാണ് ഇലക്ട്രിക് കട്ടറും രണ്ട് ട്രോളി ബാഗുകളും പുറത്തുനിന്ന് വാങ്ങിയത്.

സിദ്ദിഖും ഫര്‍ഹാനയുടെ പിതാവും നേരത്തെ സുഹൃത്തുക്കളാണ്. അതുവഴി സിദ്ദിഖിന് ഫര്‍ഹാനയെ നേരത്തെ അറിയാം. ഫര്‍ഹാന പറഞ്ഞതനുസരിച്ചാണ് സിദ്ദിഖ് ഷിബിലിക്ക് ജോലി നല്‍കിയതെന്നും ചോദ്യം ചെയ്യലില്‍ വ്യക്തമായിട്ടുണ്ട്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."