നിയമവിധേയമല്ലാത്ത തരത്തില്‍ വാഹനം റോഡില്‍ ഓവര്‍ടേക്ക് ചെയ്യുന്നവര്‍ക്കെതിരെ അജ്മാന്‍ പൊലിസ് ചൊവ്വാഴ്ച ക്യാമ്പെയ്ന്‍ ആരംഭിച്ചിരിക്കുകയാണ്.ഇനി മുതല്‍ നിയമവിധേയമല്ലാത്തതും, അപകടകരവുമായ ഓവര്‍ ടേക്കിങ്ങുകള്‍ റോഡില്‍ നടത്തുന്നവര്‍ക്ക് 3000 ദിര്‍ഹം വരെ പിഴയും, ഒരു വര്‍ഷത്തേക്ക് ലൈസന്‍സ് സസ്‌പെന്‍ഷനും ബ്ലാക്ക് പോയിന്റുകളും ലഭിച്ചേക്കുമെന്ന് അജ്മാന്‍ പൊലിസ് മുന്നറിയിപ്പ് നല്‍കിയിട്ടുണ്ട്.

മൂന്ന് തരത്തിലുളള അപകടകരമായ ഓവര്‍ടേക്കുകളില്‍ ഏര്‍പ്പെടരുതെന്നാണ് ഡ്രൈവര്‍മാര്‍ക്ക് അജ്മാന്‍ പൊലിസ് മുന്നറിയിപ്പ് നല്‍കിയിരിക്കുന്നത്

1, റോഡ് ഷോള്‍ഡറിനെ മറികടക്കുക

അറ് ബ്ലാക്ക് പോയിന്റും, 1000 ദിര്‍ഹം പിഴയുമാണ് ഈ കുറ്റത്തിന് ലഭിക്കുന്ന ശിക്ഷ

2, റോഡിലൂടെ അപകടകരമായ രീതിയില്‍ സഞ്ചരിക്കുക

ആറ് ബ്ലാക്ക് പോയിന്റും, 600 ദിര്‍ഹവുമാണ് ഈ നിയമ ലംഘനത്തിന് ലഭിക്കുന്ന ശിക്ഷ

3, ഓവര്‍ടേക്കിങ് നിരോധിക്കപ്പെട്ടയിടത്ത് ട്രക്കില്‍ ഓവര്‍ ടേക്ക് ചെയ്യുക

ഈ കുറ്റത്തില്‍ ഏര്‍പ്പെടുന്നവര്‍ക്ക് 3000 ദിര്‍ഹം പിഴയും, ഒരു വര്‍ഷത്തേക്ക് ലൈസന്‍സ് സസ്‌പെന്‍ഷനുമാണ് ലഭിക്കുക.

എമിറേറ്റില്‍ ഉടനീളം റോഡ് സുരക്ഷ കാര്യക്ഷമമാക്കുന്നതിന്റെ ഭാഗമായിട്ടാണ് 'നോ ടു റോങ്ങ് ഓവര്‍ടേക്കിങ്' എന്ന പേരില്‍ ക്യാമ്പയിന്‍ ആരംഭിച്ചിരിക്കുന്നത്. ഓവര്‍ടേക്കിങ്ങിനായുളള നിബന്ധനകള്‍ ലംഘിക്കുന്നത് ജീവന്‍ അപകടത്തിലാക്കുന്ന തരത്തിലുളള പ്രവണതയാണെന്ന് ട്രാഫിക്ക് ആന്‍ഡ് പട്രോള്‍ ഡിപ്പാര്‍ട്ട്‌മെന്റ് ഡയറക്ടറായ മേജര്‍ അല്‍ ഫലാസി അഭിപ്രായപ്പെട്ടു.

Content Highlights:upto dh3000 traffic fine in uae police warn against multiple illegal overtaking violations