ഇനി തിക്കിതിരക്കാതെ യാത്ര ചെയ്യാം; 10 മിനിറ്റില്‍ മറീന-അല്‍ സേബ വഴി ഷെയ്ഖ് സായിദ് റോഡിലെത്താം

ഇനി തിരക്കില്‍ പെടാതെ യാത്ര ചെയ്യാം. അല്‍ സേബ സ്ട്രീറ്റില്‍ നിന്നു ഷെയ്ഖ് സായിദ് റോഡ് -ഗാണ്‍ അല്‍ സബ്ക സ്ട്രീറ്റ് ജംക്ഷന്‍ ഭാഗത്തേക്കു പുതിയ ഒരു എക്‌സിറ്റ് കൂടി തുറന്നു. മണിക്കൂറില്‍ 1500 വാഹനങ്ങള്‍ കടന്നു പോകാന്‍ ശേഷിയുള്ളതാണ് പുതിയ എക്‌സിറ്റ്. ഇതുവഴി അല്‍ സെബ സ്ട്രീറ്റില്‍ നിന്നുള്ള വാഹനങ്ങളുടെ നീക്കം കൂടുതല്‍ സുഗമമാകും.

ഇതോടെ മറീനയില്‍ നിന്ന് അല്‍ സേബ സ്ട്രീറ്റ് വഴി പുറത്തേക്കു കടക്കാവുന്ന വാഹനങ്ങളുടെ എണ്ണം മണിക്കൂറില്‍ 2400 ആയി എന്നാണ് റിപ്പോര്‍ട്ടുകള്‍.
നേരത്ത് ഇത് 900 ആയിരുന്നു. മറീനയില്‍ നിന്ന് അല്‍ സേബ വഴി െഷയ്ഖ് സായിദ് റോഡിലേക്കുള്ള യാത്ര സമയം 30 മിനിറ്റില്‍ നിന്ന് 10 മിനിറ്റായി കുറയും.