ഇസ്‌ലാമിക് പുതുവർഷം: ജൂലൈ 21 ന് അവധി പ്രഖാപിച്ച് യുഎഇ, മൂന്ന് ദിവസം തുടർച്ചയായ അവധി ലഭിക്കും

അബുദാബി: ഇസ്‌ലാമിക് പുതുവർഷം (ഹിജ്‌റ 1445) പ്രമാണിച്ച് യുഎഇയിലെ എല്ലാ സ്വകാര്യ മേഖലയിലെ ജീവനക്കാർക്കും ജൂലൈ 21 വെള്ളിയാഴ്ച ഔദ്യോഗിക അവധി പ്രഖ്യാപിച്ചു. ഈ ദിവസം ശമ്പളത്തോടെയുള്ള അവധിയായിരിക്കുമെന്ന് ഹ്യൂമൻ റിസോഴ്‌സസ് ആൻഡ് എമിറേറ്റൈസേഷൻ മന്ത്രാലയം (MoHRE) അറിയിച്ചു.

പൊതുമേഖലാ ജീവനക്കാർക്കും ഇതേ തീയതി അവധിയായിരിക്കുമെന്ന് രാജ്യത്തെ ഫെഡറൽ അതോറിറ്റി ഓഫ് ഹ്യൂമൻ റിസോഴ്‌സസ് നേരത്തെ പ്രഖ്യാപിച്ചിരുന്നു.

വെളിയാഴ്ച അവധിയായതോടെ ഫലത്തിൽ മൂന്ന് ദിവസം ജീവനക്കാർക്ക് അവധി ലഭിക്കും. വീക്ക് എൻഡ് അവധികൂടി വരുന്നതോടെ മിക്കയിടങ്ങളിലും വെള്ളി, ശനി, ഞായർ ദിവസങ്ങളിൽ അവധിയായിരിക്കും.