ഗോ ​ഫ​സ്റ്റ് എയർ ഉടൻ തുടങ്ങിയേക്കും; ഓഡിറ്റ് പരിശോധന പുരോഗമിക്കുന്നു, കണ്ണൂർ വിമാനത്താവളത്തിന് നേട്ടം

മ​സ്ക​ത്ത്: ഏറെ നാളുകളായി സർവീസ് നിർത്തിവെച്ച ഗോ ​ഫ​സ്റ്റ് എയർ സർവീസ് ഉടൻ പുനരാംഭിക്കുമെന്ന് റിപ്പോർട്ട്. ബജറ്റ് വിമാനമായ ഗോ ​ഫ​സ്റ്റ് തിരിച്ചെത്തുന്നത് പ്രവാസികൾക്ക് ഏറെ ഗുണം ചെയ്യും. ഗോ ​ഫ​സ്റ്റ് എ​യ​റി​ന്റെ സ്പെ​ഷ​ൽ ഓ​ഡി​റ്റ് റി​പ്പോ​ർ​ട്ട് വി​ശ​ക​ല​നം ന​ട​ത്തി​യ ശേ​ഷം സ​ർ​വി​സ് പു​ന​രാ​രം​ഭി​ക്കാ​ൻ സാ​ധ്യ​ത​യു​ണ്ടെ​ന്നാണ്​ റി​പ്പോ​ർ​ട്ടു​ക​ൾ പുറത്തുവരുന്നത്. അതേസമയം തുടക്കത്തിൽ ഭാഗികമായാകും സർവീസുകൾ തുടങ്ങുക.

ഡ​യ​റ​ക്ട​റേ​റ്റ് ജ​ന​റ​ൽ ഓ​ഫ് സി​വി​ൽ ഏ​വി​യേ​ഷ​നാണ് സ്​​പെ​ഷ​ൽ ഓ​ഡി​റ്റ് റി​പ്പോ​ർ​ട്ട് വി​ശ​ക​ല​നം ന​ട​ത്തുന്നത്. മൂ​ന്നു ദി​വ​സ​ങ്ങ​ളി​ലാ​യാ​ണ് ഓ​ഡി​റ്റ് പ​രി​ശോ​ധ​ന ന​ട​ന്ന​ത്. ഇ​നി റി​പ്പോ​ർ​ട്ടു​ക​ൾ വി​ല​യി​രു​ത്തി​യ ശേ​ഷ​മാ​ണ് എ​യ​ർ​ലൈ​നി​ന്റെ ഭാ​വി സം​ബ​ന്ധ​മാ​യ തീ​രു​മാ​നം ഉ​ണ്ടാ​വു​ക. 22 വി​മാ​ന​ങ്ങ​ളു​മാ​യി ഏറ്റവും വേ​ഗ​ത്തി​ൽ വി​മാ​ന സ​ർ​വി​സു​ക​ൾ പു​ന​രാ​രം​ഭി​ക്കാ​നാ​ണ് ഗോ ​ഫ​സ്റ്റ് ല​ക്ഷ്യ​മി​ടു​ന്ന​ത്.

ഗോ ​ഫ​സ്റ്റ് എയർ സർവിസ് തുടങ്ങുമ്പോൾ ഏറ്റവും കൂടുതൽ പ്രതീക്ഷയുള്ളത് കണ്ണൂർ വിമാനത്താവളത്തിനാണ്. ദിനംപ്രതി ഇവിടെ നിന്നും സർവിസ് നടത്തിയിരുന്ന ഗോ ​ഫ​സ്റ്റ് തിരിച്ചെത്തുന്നത് പുത്തനുണർവേകും. ക​ണ്ണൂ​ർ - ​മ​സ്ക​ത്ത് റൂട്ടിലായിരുന്നു ഗോ ​ഫ​സ്റ്റ് എയർ സർവിസ് നടത്തിയിരുന്നത്. ഇത് പുനരാരംഭിക്കുമെന്നാണ് പ്രതീക്ഷ. നിലവിൽ ഈ റൂട്ടിൽ ഉള്ള വിമാനങ്ങളുടെ ക്ഷാമം പരിഗണിക്കാൻ ഗോ ​ഫ​സ്റ്റ് എയർ സർവിസിന് സാധിക്കും.

വി​മാ​ന സ​ർ​വി​സു​ക​ൾ പു​ന​രാ​രം​ഭി​ക്കു​ന്ന​തി​ന്റെ ഭാ​ഗ​മാ​യി സു​ര​ക്ഷ സം​ബ​ന്ധ​മാ​യ കാര്യങ്ങളിലാണ് ഓ​ഡി​റ്റ് ഊ​ന്ന​ൽ ന​ൽ​കു​ക​യെ​ന്ന് അ​ധി​കൃ​ത​ർ നേ​ര​ത്തേ വ്യ​ക്ത​മാ​ക്കി​യി​രു​ന്നു. ഈ ​മാ​സം നാ​ലു മു​ത​ൽ ആ​റു വ​രെ എ​യ​ർ​ലൈ​ൻ​സി​ന്റെ സു​ര​ക്ഷ സം​ബ​ന്ധ​മാ​യ കാ​ര്യ​ങ്ങ​ൾ കേ​ന്ദ്രീ​ക​രി​ച്ചു​ള്ള ഓ​ഡി​റ്റ് ന​ട​ന്ന​താ​യി റി​പ്പോ​ർ​ട്ടു​ണ്ട്. എന്നാൽ ഇത് ഔദ്യോഗികമായി സ്ഥിരീകരിച്ചിട്ടില്ല.