തൊഴിലാളികൾക്കുള്ള ഉച്ചവിശ്രമ നിയമം ലംഘിച്ചു; 250 സ്ഥാപനങ്ങൾക്കെതിരെ കേസ്

മസ്‌കത്ത്: വേനൽക്കാലത്ത് ഏർപ്പെടുത്തിയ നിർബന്ധിത ഉച്ചവിശ്രമം നിയമം ലംഘിച്ചവർക്കെതിരെ നടപടി കർശനമാക്കി യുഎഇ ഭരണകൂടം. ഉ​ച്ച​വി​ശ്ര​മം ന​ട​പ്പാ​ക്കാ​ത്ത​തു​മാ​യി ബ​ന്ധ​പ്പെ​ട്ട് ഇതുവരെ​ 250 കേ​സു​ക​ൾ രജിസ്റ്റർ ചെയ്‌തു. രാ​ജ്യ​ത്തെ വി​വി​ധ ഗ​വ​ർ​ണ​റേ​റ്റു​ക​ളി​ൽ തൊ​ഴി​ൽ​മ​ന്ത്രാ​ല​യം ന​ട​ത്തി​യ പ​രി​ശോ​ധ​ന​യി​ലാ​ണ് ഇത്രയും നിയമലംഘനങ്ങൾ പിടികൂടിയത്.

ചൂട് വർധിച്ചതോടെ ജൂ​ൺ ഒന്ന് മുതലാണ്​ രാ​ജ്യ​ത്ത്​ ഉച്ചസമയത്ത് വിശ്രമം അനുവദിച്ചുള്ള നി​യ​മം പ്രാ​ബ​ല്യ​ത്തി​ൽ​വ​ന്ന​ത്. ഒ​മാ​ൻ തൊ​ഴി​ൽ​നി​യ​മം ആ​ർ​ട്ടി​ക്കി​ൾ 16 അ​നു​സ​രി​ച്ചാ​ണ് ഉച്ചവിശ്രമം അനുവദിച്ചിരുന്നത്. ഇ​ത്​ ലം​ഘി​ക്കു​ന്ന​വ​ർ​ക്കെ​തി​രെ 100 റി​യാ​ല്‍ മു​ത​ല്‍ 500 റി​യാ​ല്‍ വ​രെ പി​ഴ​യും ഒ​രു മാ​സ​ത്തെ ത​ട​വു​മാ​ണ് ശി​ക്ഷ. നിയമലംഘനത്തിന്റെ കാഠിന്യം അനുസരിച്ച് ചിലപ്പോൾ തടവും പിഴയും ഒരുമിച്ച് അനുഭവിക്കേണ്ടി വരും.

തൊ​ഴി​ലാ​ളി​ക​ൾ​ക്ക് ഉ​ച്ച​ക്ക്​ 12.30 മു​ത​ൽ 3.30 വ​രെയാണ് വിശ്രമം നൽകേണ്ടത്. ഇത് ലംഘിച്ചതിനാണ് 250 സ്ഥാപനങ്ങൾക്കതിരെ കേസെടുത്തിരിക്കുന്നത്. ഇവർക്കെതിരെ ക​ർ​ശ​ന ന​ട​പ​ടി സ്വീ​ക​രി​ക്കു​ന്ന​താ​ണെ​ന്ന്​ തൊ​ഴി​ൽ മന്ത്രാലയം അറിയിച്ചു.