കെ ഡി എം എഫ് റിയാദ് മെറിറ്റ് ഇവെന്റ് സംഘടിപ്പിച്ചു

കൊടുവള്ളി: റിയാദ് കേന്ദ്രമായി പ്രവര്‍ത്തിക്കുന്ന സാമൂഹിക സാംസ്‌കാരിക സംഘടനയായ റിയാദ് കോഴിക്കോട് ജില്ലാ മുസ്ലിം ഫെഡറേഷന്‍ (കെ.ഡി. എം. എഫ് റിയാദ്) വിദ്യാഭ്യാസ രംഗത്തെ പ്രവര്‍ത്തനങ്ങളുടെ ഭാഗമായി, കെ ഡി എം എഫ് കുടുംബാംഗങ്ങളില്‍ നിന്നും മദ്രസ്സ പൊതു പരീക്ഷ , എസ് എസ് എല്‍ സി , പ്ലസ് ടു എന്നീ പൊതു പരീക്ഷകളില്‍ ഉപരിപഠനത്തിന് അര്‍ഹത നേടിയ വിദ്യാര്‍ത്ഥികളെ അനുമോദിച്ചു.

കൊടുവള്ളി ദാറുല്‍ അസ്ഹര്‍ ഓഡിറ്റോറിയത്തില്‍ വെച്ച് നടന്ന പരിപാടി സയ്യിദ് മുബഷിര്‍ തങ്ങള്‍ ജമലുല്ലൈലി ഉദ്ഘാടനം ചെയ്തു. മുസ്തഫ ബാഖവി പെരുമുഖം അദ്ധ്യക്ഷത വഹിച്ചു. ഇബ്രാഹിം ഫൈസി പേരാല്‍ മുഖ്യ പ്രഭാഷണം നടത്തി. മുഹമ്മദ് ഷമീജ് കൂടത്താള്‍ പദ്ധതി വിശദീകരിച്ചു. വിദ്യാര്‍ത്ഥികള്‍ക്കുള്ള പ്രശംസാപത്ര വിതരണം അബ്ദുല്‍ ഗഫൂര്‍ എസ്റ്റേറ്റ് മുക്കും 'സമസ്തയുടെ നാള്‍വഴികള്‍' എന്ന പുസ്തകം മൂസക്കുട്ടി നെല്ലിക്കാപറമ്പും സമ്മാനിച്ചു. കൊടുവള്ളി മുനിസിപ്പല്‍ കൗണ്‍സിലര്‍ ടി മൊയ്തീന്‍ കോയ, ഒ പി അഷ്‌റഫ് മൗലവി എന്നിവര്‍ അനുമോദന പ്രസംഗം നടത്തി.

കെ ഡി എം എഫ് റിയാദിന്റെ ഉപസമിതികളായ ടീം ഫോര്‍ എഡ്യൂക്കേഷന്‍, എംപവര്‍മെന്റ് ആന്റ് മെന്ററിംങ്, നേറ്റീവ് വിങ് എന്നിവയുടെ ആഭിമുഖ്യത്തില്‍ നടന്ന പരിപാടിയില്‍ അലി അക്ബര്‍ മുക്കം, സിദ്ദീഖ് ഫൈസി ജാറം കണ്ടി, പി സി ഇബ്രാഹിം, ബഷീര്‍ പാലക്കുറ്റി, അഷ്‌റഫ് കൊടുവള്ളി, ശരീഫ് മുഡൂര്‍ , റാഷിദ് കളരാന്തിരി, ശഹീര്‍ വെള്ളിമാട്കുന്ന്, എം എന്‍ അബൂബക്കര്‍, സൈദ് അലി ചീനിമുക്ക്, ബിച്ചി അബ്ദുറഹിമാന്‍, തുടങ്ങിയവര്‍ സംബന്ധിച്ചു.

ഹാസിഫ് കളത്തില്‍, നിസാര്‍ കൊടുവള്ളി, ഷംസീര്‍ മാസ്റ്റര്‍ അണ്ടോണ, ശരീഫ് തല്‍പ്പെരുമണ്ണ, നൗഫല്‍ കെ സി, സഫറുളള കൂളിമാട്, റഫീക്ക് മുട്ടാഞ്ചേരി, സുബു അബ്ദുസ്സലാം, റഷീദ ശരീഫ് കളരാന്തിരി, ശമീറ മൂസക്കുട്ടി, റസീന ശഹീര്‍, പരിപാടികള്‍ക്ക് നേതൃത്വം നല്‍കി.

നാറ്റീവ് വിങ് ജനറല്‍ കണ്‍വീനര്‍ ഷബീര്‍ ചക്കാലക്കല്‍ സ്വാഗതവും ഫിനാന്‍സ് സെക്രട്ടറി അബ്ദുസലാം കളരാന്തിരി നന്ദിയും പറഞ്ഞു