കണ്ണൂർ: സമസ്ത ഇസ്‌ലാമിക് സെന്റർ സഊദിനാഷണൽ കമ്മിറ്റി വർക്കിംഗ്‌ പ്രസിഡണ്ടും ബുറൈദ സെൻട്രൽ കമ്മിറ്റി പ്രസിഡണ്ടുമായ സയ്യിദ് അബ്ദുറഹ്മാൻ ജമലുലൈലി തങ്ങളുടെ നേതൃത്വത്തിൽ കണ്ണൂർ ജില്ലയിലെ സമസ്തയുടെ വിവിധ സ്ഥാപനങ്ങൾ സന്ദർശിച്ചു. മാണിയൂർ പറാൽ ബുസ്തനുൽ ഉലും അറബിക് കോളേജ്, പാപ്പിനിശ്ശേരി ജാമിഅഃ അസ്അദിയ്യ എന്നിവ സന്ദർശിക്കുകയും മർഹും ശൈഖുന പി കെ പി അബ്ദുസലാം മുസ്‌ലിയാർ ബിൽഡിങ് ഫണ്ട്‌ വിതരണവും നടത്തുകയും ചെയ്തു.

വീട്ടിൽ വിശ്രമത്തിലുള്ള സമസ്ത കേന്ദ്ര മുശാവറ മെമ്പറും കണ്ണൂർ ജില്ല ജനറൽ സെക്രട്ടറിമായ ശൈഖുന മാണിയൂർ അഹ്‌മദ്‌ മുസ്‌ലിയാരെ സന്ദർശിച്ച നേതാക്കൾ സമസ്ത കണ്ണൂർ ജില്ലാ ആസ്ഥാനം, കോയ്യോട് മുഹ്‌യദ്ധീൻ കുട്ടി മുസ്‌ലിയാർ സ്മാരകാ ഇസ്‌ലാമിക് സെന്റർ, എസ് കെ എസ് എസ് എഫ് ചാലാട് ഇസ്‌ലാമിക് സെന്റർ എന്നിവയും സന്ദർശിച്ചു.

ഹാദിയ കണ്ണൂർ ചാപ്റ്റർ കണ്ണൂർ ഇസ്‌ലാമിക് സെന്ററിൽ നൽകിയ കുടിവെള്ള പദ്ധതി ഉദ്ഘടനം തങ്ങൾ നിർവഹിച്ചു. എസ്.ഐ.സി നേതാക്കളായ അമീൻ ദാരിമി താനൂർ, മുജീബ് പാലാഴി, ശിഹാബ് തലകെട്ടൂർ, നൗഷാദ് മുസ്‌ലിയാരങ്ങാടി, സെയ്‌ദ് ചെട്ടിപടി എന്നിവരും വിവിധ പരിപാടികളിൽ എ കെ അബ്ദുൽ ബാഖി, യുസുഫ് ബാഖവി കണ്ണപുരം, മലയമ്മ അബൂബക്കർ ബാഖവി, ഇബ്രാഹിം ബാഖവി പന്നിയൂർ, നമ്പ്രം അബ്ദുൽ ഖാദർ അൽ ഖാസിമി, ഉമർ നദ്‌വി തോട്ടീക്കൽ, സിദ്ധീഖ് ഫൈസി, ജംഷീദ് ബാഖവി, ഉബൈദ് ഹുദവി ചാലാട്, എ ടി കെ ദാരിമി എന്നിവരും പങ്കെടുത്തു