നിയമസഭാ സമ്മേളനത്തിന് നാളെ തുടക്കം; വിലക്കയറ്റവും പെൻഷനും മിത്തുമെല്ലാം ചർച്ചയാകും

തിരുവനന്തപുരം: കേരള നിയമസഭയുടെ ഒ​മ്പ​താം സ​​മ്മേ​ള​ന​ത്തി​ന്​ നാളെ (തി​ങ്ക​ളാ​ഴ്ച) തു​ട​ക്ക​മാ​കും. വിലക്കയറ്റം, മിത്ത് വിവാദം, താനൂർ കസ്റ്റഡി മരണം തുടങ്ങിയ വിഷയങ്ങൾ സഭയിൽ ചർച്ചയാകും. പ്രധാനമായും നി​യ​മ​നി​ർ​മാ​ണ​ങ്ങ​ളാ​ണ് സമ്മേളനത്തിന്റെ അജണ്ടയിൽ ഉൾപ്പെടുത്തിയിട്ടുള്ളത്. മുൻ മുഖ്യമന്ത്രി ഉമ്മൻ ചാണ്ടി, മുൻ സ്പീക്കർ വക്കം പുരുഷോത്തമൻ ആദരമർപ്പിച്ചാകും സഭ സമ്മേളനത്തിന് തുടക്കമാവുക. നാളെ സഭ ഇരുവർക്കും ആദരാഞ്ജലികൾ അർപ്പിച്ച് പിരിയും.

53 വര്‍ഷം തുടര്‍ച്ചയായി എംഎല്‍എ ആയി സഭയിൽ സാന്നിധ്യമായിരുന്ന ഉമ്മന്‍ചാണ്ടിയില്ലാതെയാണ് 15-ാം കേരള നിയമസഭയുടെ 9ാം സമ്മേളനം നാളെ ആരംഭിക്കുന്നത്. ആഗസ്റ്റ് 24 വരെ 12 ദിവസങ്ങളാണ് സഭ സമ്മേളിക്കുന്നത്. പതിനാലോളം ബില്ലുകള്‍ സമ്മേളന കാലയളവില്‍ സഭ പരിഗണിക്കും.

സ്പീ​ക്ക​ർ എ.​എ​ൻ. ഷം​സീ​റു​മാ​യി ബ​ന്ധ​പ്പെ​ട്ട ശാ​സ്ത്ര-​മി​ത്ത്​ വി​വാ​ദം സംസ്ഥാനത്ത് കത്തി നിൽക്കുമ്പോഴും വിവാദത്തിൽ ഊന്നൽ നൽകേണ്ടതില്ലെന്ന പൊതുനിലപാട് ആണ് പ്രതിപക്ഷമായ യുഡിഎഫിന് ഉള്ളത്. വി​ശ്വാ​സി​ക​ൾ​ക്കൊ​പ്പ​മെ​ന്ന നി​ല​പാ​ട്​ ആ​വ​ർ​ത്തി​ക്കു​​മ്പോ​ൾ​ത​ന്നെ, അ​നാ​വ​ശ്യ ച​ർ​ച്ച​ അ​വ​സാ​നി​പ്പി​ക്ക​ണ​മെ​ന്നാ​ണ്​ പ്ര​തി​പ​ക്ഷ നി​ല​പാ​ട്. എന്നാൽ വിഷയത്തിൽ ഉറച്ച് നിൽക്കാനും സ്പീ​ക്ക​ർ തി​രു​ത്തു​ക​യോ മാ​പ്പു​പ​റ​യു​ക​യോ വേ​ണ്ടെ​ന്ന നിലപാട് ആവർത്തിക്കാനുമാണ് ഭരണപക്ഷ തീരുമാനം.

അതേസമയം, വിലക്കയറ്റം ഉൾപ്പെടെയുള്ള വിഷയങ്ങൾ ഉയർത്തിക്കൊണ്ടുവരാൻ പ്രതിപക്ഷം ശ്രമിക്കും. വിലക്കയറ്റം പിടിച്ച് നിർത്താൻ സർക്കാർ ഒന്നും ചെയ്യാതിരുന്നതിനെ ചോദ്യം ചെയ്യും. സപ്ലൈകോയിൽ അവശ്യ വസ്തുക്കളുടെ ക്ഷാമവും ചർച്ചയാകും. പെൻഷൻ വിതരണം മുടങ്ങിയതും പ്രതിപക്ഷം ഉയർത്തും.