ഓണക്കിറ്റ് വിതരണം; റേഷന്‍ കടകള്‍ നാളെ രാവിലെ എട്ടു മുതല്‍ രാത്രി എട്ടുവരെ പ്രവര്‍ത്തിക്കും

തിരുവനന്തപുരം: ഓണക്കിറ്റ് വിതരണത്തിനായി നാളെ റേഷന്‍ കടകള്‍ രാവിലെ എട്ടുമണി മുതല്‍ രാത്രി 8 മണി വരെ പ്രവര്‍ത്തിക്കും. ഇതുവരെ രണ്ടു ലക്ഷത്തി പതിനായിരത്തില്‍പരം ആളുകള്‍ക്ക് ഓണക്കിറ്റ് നല്‍കി. എല്ലാ റേഷന്‍ കടകളിലും ആവശ്യമായ കിറ്റ് എത്തിച്ചുവെന്ന് സപ്ലൈകോ അറിയിച്ചു. നാളെ ഇടവേളകള്‍ ഇല്ലാതെ റേഷന്‍ കട പ്രവര്‍ത്തിക്കുമെന്നും സപ്ലൈകോ.

അറുപത്തി ഏഴായിരത്തിലധികം കിറ്റുകള്‍ മാത്രമാണ് ഇതുവരെ വിതരണം ചെയ്തത്. അഞ്ചുലക്ഷത്തിലേറെ ഓണകിറ്റുകള്‍ ഇനിയും വിതരണം ചെയ്യാനുണ്ട്. ഏറ്റവും കൂടുതല്‍ കിറ്റുകള്‍ വിതരണം ചെയ്ത്ത് തിരുവനന്തപുരത്താണ്. കോഴിക്കോട് ഓണക്കിറ്റ് വിതരണം എങ്ങുമെത്തിയില്ല. ഇതുവരെ 27,00 കിറ്റുകള്‍ മാത്രമാണ് വിതരണം ചെയ്തത്.

ഇന്നും നാളെയുമായി കിറ്റ് വിതരണം പൂര്‍ത്തിയാക്കുമെന്ന് ഭക്ഷ്യമന്ത്രി ജി ആര്‍ അനില്‍ അറിയിച്ചിരുന്നു. കിറ്റ് തീര്‍ന്നു പോയാല്‍ വാങ്ങാന്‍ എത്തിയ ആളുകളുടെ നമ്പര്‍ വാങ്ങി വീട്ടില്‍ എത്തിച്ച് നല്‍കുമെന്നും മന്ത്രി അറിയിച്ചു.